ବରଗଡ: ବେଆଇନ କଫ ସିରଫ ଜବତ । ବେଆଇନ ଭାବେ କଫ ସିରଫ ଚାଲାଣ ସମୟରେ ପାଇକମାଳ ପୋଲିସ ଚଢାଉ କରି ଦୁଇ ଜଣଙ୍କୁ ଗିରଫ କରିଛି । ସେମାନଙ୍କଠାରୁ ୧୪୨୦ ବୋତଲ କଫ ସିରଫ୍ ଜବତ କରିଛି ପୋଲିସ ।
ଭିଡିଓ ସୌଜନ୍ଯ: ସମ୍ବାଦଦାତା, ବରଗଡ
ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଳ ଅଞ୍ଚଳରେ ବ୍ୟାପକ ପରିମାଣର କଫ ସିରଫ୍ ଚୋରା ଚାଲାଣ ହେଉଥିବା କୌଣସି ସୂତ୍ରରୁ ଖବର ପାଇଥିଲା ପୋଲିସ । ଏହାପରେ ଯୋଜନା ମୁତାବକ ସେଠାରେ ଚଢାଉ କରିଥିଲା । ତେବେ ଘଟଣା ସ୍ଥଳରେ ୧୪୨୦ ବୋତଲ କଫ ସିରଫ୍ ସହ ଗୋଟିଏ ଇଣ୍ଡିକା କାର, ଗୋଟିଏ ହିରୋ ଗ୍ଲେମର ବାଇକ ଓ ଦୁଇଟି ମୋବାଇଲ ଜବତ କରିଛି ପୋଲିସ । ଏହା ସହିତ ଦୁଇ ଜଣ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି । ସେପଟେ ଘଟଣାରେ ସମ୍ପୃକ୍ତ ଆଉ ଦୁଇଜଣ ଅଭିଯୁକ୍ତ ପୋଲିସକୁ ଦେଖି ଜଙ୍ଗଲ ଭିତରକୁ ଫେରାର ହୋଇଯାଇଥିବା ଜଣା ପଡିଛି |