ବରଗଡ:ବରଗଡ ଜିଲ୍ଲାପାଳ ଭାବେ ଦାୟିତ୍ବ ଗ୍ରହଣ କଲେ IAS ମନୀଷା ବାନାର୍ଜୀ । ପୂର୍ବରୁ ସୋନପୁର ଜିଲ୍ଲାରେ ଜିଲ୍ଲାପାଳ ଭାବରେ କାର୍ଯ୍ୟରତ ଥିଲେ ମନୀଷା ବାନାର୍ଜୀ । ଗତକାଲି(ଗୁରୁବାର) ବରଗଡ଼ରେ ଯୋଗଦାନ କଲାପରେ ଏକ ସାମ୍ବାଦିକ ସମ୍ବିଳନୀର ଆୟୋଜନ କରି ସେ ସମସ୍ତ ସାମ୍ବାଦିକଙ୍କୁ ଜିଲ୍ଲାର ସମସ୍ୟା ଜଣାଇବା ସହିତ ସହଯୋଗ କରିବାକୁ ଅନୁରୋଧ କରିଥିଲେ।
ବରଗଡ ଜିଲ୍ଲାରେ ମୁଖ୍ୟତଃ ଚାଷୀ ଓ ଚାଷକୁ ନେଇ ଅଧିକ ସମସ୍ୟା ଲାଗିରହିଥିବା ବେଳେ ଏହା ଉପରେ ଅଧିକ ଗୁରୁତ୍ବ ଦେବା ସହିତ ବର୍ତ୍ତମାନ କୋଭିଡ ଏବଂ ଶିକ୍ଷା କ୍ଷେତ୍ରରେ ଗୁରୁତ୍ବ ଦେବେ ବୋଲି ମନୀଷା ବାନାର୍ଜୀ ଜଣାଇଥିଲେ । ସାପ୍ତାହିକ ଅଭିଯୋଗ ପ୍ରକୋଷ୍ଠ ବନ୍ଦ ରହିଥିଲେ ମଧ୍ୟ ଜନସାଧାରଣଙ୍କ ଅଭିଯୋଗ ଓ ଅସୁବିଧା ସବୁ ଦୂର କରିବାକୁ ଚେଷ୍ଟା କରାଯିବା ସହିତ ‘5ଟି’କୁ ବିଶେଷ ଭାବେ ଗୁରୁତ୍ବ ଦିଆଯିବ ବୋଲି ଶ୍ରୀମତୀ ବାନାର୍ଜୀ କହିଥିଲେ । ପୂର୍ବରୁ ଜ୍ୟୋତିରଞ୍ଜନ ପ୍ରଧାନ ଥିଲେ ବରଗଡର ଜିଲ୍ଲାପାଳ ।
ବରଗଡରୁ ରାଜେଶ ସରାପ, ଇଟିଭି ଭାରତ
