ବରଗଡ଼: ଆଜି ବରଗଡ଼ ଟାଉନ ପୋଲିସକୁ ବଡ଼ ଧରଣର ସଫଳତା ମିଳିଛି । ବରଗଡ଼ ୧୧ ନମ୍ବର ୱାର୍ଡ ଶକ୍ତିନଗର ସ୍ଥିତ ଏକ ଭଡ଼ା ଘରେ ଟାଉନ ପୋଲିସ ଚଢ଼ାଉ କରି ୨,୩୫୦ ବୋତଲ ବେଆଇନ କଫ ସିରପ ସହିତ ନିଶା ଟାବଲେଟ, ୫ ଲିଟର ରାସାୟନିକ ପଦାର୍ଥ ଏବଂ ଗୋଟିଏ ମୋବାଇଲ ଜବତ କରିଛି । ଏହି ଘଟଣାରେ ୨ ଜଣ ଗିରଫ ହୋଇଛନ୍ତି । ଗିରଫ ଅଭିଯୁକ୍ତମାନେ ଶ୍ୟାମ ମେହେର ଏବଂ ତାଙ୍କ ସ୍ତ୍ରୀ ଯମୁନା ମେହେର ବୋଲି ପରିଚୟ ମିଳିଛି । କିନ୍ତୁ ଏହି ବେଆଇନ କାରବାରରେ ସାମିଲ ଥିବା ସେମାନଙ୍କ ୨୮ ବର୍ଷୀୟ ଝିଅ ପୋଲିସକୁ ଚକମା ଦେଇ ଫେରାର ହୋଇଯାଇଛି । ଆଜି(ରବିବାର) ଏକ ସାମ୍ବାଦିକ ସମ୍ମିଳନୀରେ ଏସଡିପିଓ ଦୀପକ ଗୋଚ୍ଛାୟତ ଏନେଇ ସୂଚନା ଦେଇଛନ୍ତି ।
ଭଡା ଘରେ ଚାଲିଥିଲା ବେଆଇନ କଫ ସିରପ ବେପାର: ସ୍ବାମୀ-ସ୍ତ୍ରୀ ଗିରଫ, ଝିଅ ଫେରାର