ବରଗଡ: ଆସନ୍ତା ୩୧ ଡିସେମ୍ବରରେ ହେବାକୁ ଥିବା ବରଗଡ଼ର ବିଶ୍ବପ୍ରସିଦ୍ଧ ଧନୁଯାତ୍ରା ପାଇଁ ନୂତନ କଳାକାର ଚୟନ କରାଯିବାକୁ ଧନୁଯାତ୍ରା କମିଟି ପକ୍ଷରୁ ନିଷ୍ପତ୍ତି ନିଆଯାଇଛି । ସୋମବାର ଆଜି ଏହି କଳାକାର ଚୟନ ପାଇଁ ସମୟ ସୀମା ନିର୍ଦ୍ଧାରିତ କରାଯାଇଛି ।
ଆସନ୍ତା ନଭେମ୍ବର ୧୬ ତାରିଖ ମଧ୍ୟରେ କଳାକାରମାନେ ନିଜ ନିଜର ରେଜିଷ୍ଟ୍ରେସନ କରିପାରିବେ । ୨୦ ତାରିଖରୁ ୨୫ ତାରିଖ ପର୍ଯ୍ୟନ୍ତ କଳାକାର ଚୟନ ପ୍ରକ୍ରିୟା ଚାଲିବାର ନିଷ୍ପତ୍ତି ନିଆଯାଇଛି । ଅନ୍ୟପଟେ ଗୋପପୁର କମିଟି ସହିତ ଉପଜିଲ୍ଲାପାଳ ପ୍ରଭାସ ଚନ୍ଦ୍ର ଦଣ୍ଡସେନା ଆଲୋଚନା କରିଥିଲେ । ଗୋପପୁରରେ ବିଗତ ବର୍ଷ ଅପେକ୍ଷା କିପରି ଆହୁରି ଅଧିକ ଆକର୍ଷଣୀୟ କରାଯାଇପାରିବ ସେନେଇ ଆଲୋଚନା କରାଯାଇଥିଲା ।
ବରଗଡରୁ ରାଜେଶ ସରାପ, ଇଟିଭି ଭାରତ
