ବରଗଡ: ଦିନକୁ ଦିନ ରାଜ୍ୟରେ ବଢୁଛି ଲୁଟପାଟ । ଡକାୟତଙ୍କ ଡକାୟତି ଲୋକଙ୍କ ନିଦ ଉଡାଇ ଦେଇଥିଲା । ଅଭିଯୋଗ ପରେ 4 ଡକାୟତଙ୍କୁ ଧରିବାରେ ସଫଳ ହୋଇଛି ବରଗଡ ପୋଲିସ । ଏହାସହ ପଚରାଉଚରା ପରେ ଡକାୟତଙ୍କୁ କୋର୍ଟକୁ ଚାଲାଣ କରିଛି ପୋଲିସ ।
ସୂଚନାଅନୁସାରେ, ଗତ ଗୁରୁବାର ଦିନ ରାତିରେ ଗୋଟିଏ ରସୁଣ ବୋଝେଇ ଟ୍ରକ କଟକ ଅଭିମୁଖେ ଯାଉଥିବା ବେଳେ ବରଗଡ ଟୋଲଗେଟ ନିକଟରେ ଗୋଟିଏ ଧଳା ରଙ୍ଗର କାରରେ ଆସି 6 ଜଣ ଡକାୟତ ଟ୍ରକ ଟିକୁ ଅଟକାଇ ଟ୍ରକ ଡ୍ରାଇଭର ଠାରୁ 4 ହଜାର ଟଙ୍କା, ଏଟିଏମ କାର୍ଡ ଏବଂ ଡ୍ରାଇଭିଂ ଲାଇସେନ୍ସ ଲୁଟିନେଇଥିଲେ । ଏନେଇ ବରଗଡ ଟାଉନ ଥାନାରେ ଅଭିଯୋଗ ହୋଇଥିଲା ।