ବରଗଡ଼: ଜିଲ୍ଲାରେ ଲାଗି ରହିଛି ଲଗାଣ ବର୍ଷା । ସୋମବାର ବରଗଡ଼ ଟାଉନ ଦେଇ ପ୍ରବାହିତ ହେଉଥିବା ଜିରାନଦୀରେ ପ୍ରବଳ ବନ୍ୟାପାଣି ପ୍ରବାହିତ ହେଉଛି । ଯାହାର ପ୍ରଭାବରେ ଅସ୍ଥାୟୀ ରାସ୍ତା ପାଣିରେ ବୁଡିଯାଇଛି ।
ବଢ଼ିଲା ଜିରାନଦୀର ପାଣି, ବୁଡ଼ିଲା ଅସ୍ଥାୟୀ ରାସ୍ତା
ବରଗଡ ସହରର ନିକଟବର୍ତ୍ତି ଅମ୍ବାପାଲିକୁ ନିର୍ମିତ ହୋଇଥିବା ଅସ୍ଥାୟୀ ରାସ୍ତା ଜିରାନଦୀର ବଢ଼ି ପାଣିରେ ସମ୍ପୂର୍ଣ୍ଣ ବୁଡିଯାଇ ରାସ୍ତା ଧୋଇ ହୋଇଯାଇଛି । ଯାହା ଫଳରେ ଅମ୍ବାପାଲିରୁ ବରଗଡ଼କୁ ଯାତାୟତ ବିଛିନ୍ନ ହୋଇଛି । ତେବେ ଆଜି ଜିଲ୍ଲା ପ୍ରଶାସନ ପକ୍ଷରୁ ବରଗଡ଼ରେ ଆହୁରି ପ୍ରବଳ ବର୍ଷା ହେବ ବୋଲି ଜନସାଧାରଣଙ୍କୁ ଚେତାବନୀ ଦିଆଯାଇଥିବାବେଳେ ଜିରାନଦୀ କୂଳ ଅଞ୍ଚଳରେ ରହୁଥିବା ଲୋକେ ଭୟଭୀତ ହୋଇପଡିଛନ୍ତି ।