ବରଗଡ଼: ଜିଲ୍ଲାରେ ଲଘୁଚାପ ଜନିତ ଲଗାଣ ବର୍ଷା ଲାଗି ରହିଥିବା ବେଳେ ଅମ୍ବାଭୋନା ବ୍ଲକ ମହାନଦୀ କୂଳିଆ ଗାଁ ଚିଖିଲି, ଅନ୍ତରାଡି, ବେନିଆପାଲୀ, ଘୁଘୁରାପାଲୀ ଓ ବଡମାଲ ଗ୍ରାମରେ ବନ୍ୟାପାଣି ପଶିବା ଆଶଙ୍କା ଦେଖାଦେଇଛି । ବିଶେଷ କରି ବର୍ତ୍ତମାନର ସ୍ଥିତି ଅନୁସାରେ ଚିଖିଲି ଗ୍ରାମରେ ପ୍ରଥମେ ବନ୍ୟା ପାଣି ପଶିଛି ଏବଂ ଶହଶହ ଏକର ଧାନ ଫସଲ ବୁଡି ରହିଛି । ଓଡ଼ିଶା ଓ ଛତିଶଗଡ ଅଞ୍ଚଳରେ ପ୍ରବଳ ବର୍ଷା ଯୋଗୁଁ ମହାନଦୀର ଜଳସ୍ତର ବଢିବା ସଙ୍ଗେ ସଙ୍ଗେ ହୀରାକୁଦ ନଦୀବନ୍ଧର ପଛୁଆ ପାଣିରେ ଏହି ଗ୍ରାମ ଗୁଡିକ ସଂପୂର୍ଣ୍ଣ ପ୍ରଭାବିତ ହୋଇଛି ।
ବରଗଡ଼ ଅମ୍ବାଭୋନା ବ୍ଲକରେ ବନ୍ୟା ପରିସ୍ଥିତି, ଚିଖିଲିରେ ପଶିଲା ବନ୍ୟା ପାଣି