ବରଗଡ: କୋରୋନା ମହାମାରୀ ସମୟରେ ଅର୍ଥଲଗାଣକାରୀ ସଂସ୍ଥାଗୁଡିକୁ ଋଣ ଅର୍ଥ ଆଦାୟ ନକରିବା ପାଇଁ ନିର୍ଦ୍ଦେଶ ଦେଇଥିଲା ପ୍ରଶାସନ । ତଥାପି ପ୍ରଶାସନର କଟକଣାକୁ ଖାତିର ନକରି ଶନିବାର ପଦ୍ମପୁର ଉପଖଣ୍ଡ ଅଞ୍ଚଳରେ ଜଣେ ଫାଇନାନ୍ସ କମ୍ପାନୀର ଏଜେଣ୍ଟ ପଶି ଅର୍ଥ ଆଦାୟ କରିଥିବା ସ୍ଥାନୀୟ ଲୋକେ ଅଭିଯୋଗ କରିଥିଲେ । ଏହି ଅଞ୍ଚଳରେ କୋରୋନା ଆକ୍ରାନ୍ତ ଚିହ୍ନଟ ହୋଇଥିବାରୁ ଅଞ୍ଚଳକୁ କଣ୍ଟେନମେଣ୍ଟ ଜୋନ ଘୋଷଣା କରାଯାଇଥିଲା ।
ନିୟମ ଅନୁଯାୟୀ କଣ୍ଟେନମେଣ୍ଟ ଜୋନରେ ନା କେହି ପ୍ରବେଶ କରିପାରିବେ ନା କେହି ଏହି ଜୋନରୁ ବାହାରକୁ ଯାଇପାରିବେ ନାହିଁ । ତଥାପି ଫାଇନାନ୍ସ କମ୍ପାନୀର ଏଜେଣ୍ଟ ଜରବଦସ୍ତି ପଶି ଘରକୁ ଘର ବୁଲି ଋଣ ଅର୍ଥ ଆଦାୟ କରୁଥିଲେ । ଏନେଇ ସ୍ଥାନୀୟ ଲୋକେ ଅଭିଯୋଗ କରିବା ପରେ ତୁରନ୍ତ ପଦ୍ମପୁର ଏନଏସି ଇଓ ଜୟନ୍ତ ସାହୁ ଏଜେଣ୍ଟକୁ ଧରି ଥାନାରେ ଦେଇଥିଲେ ।