ବରଗଡ଼: ଜିଲ୍ଲା ସାର ଓ କୀଟନାଶକ ଦୋକାନୀଙ୍କ ସଂଗଠନ ଗୁରୁବାର ଜିଲ୍ଲାପାଳଙ୍କ ନିକଟକୁ କୃଷି ବିଭାଗର ଅତ୍ୟାଚାର ବିରୋଧରେ ଅଭିଯୋଗ ନେଇ ପହଞ୍ଚିଥିଲେ । କୃଷି ବିଭାଗ ପକ୍ଷରୁ ଲାଇସେନ୍ସ ପ୍ରାପ୍ତ ଦୋକାନୀ ମାନଙ୍କୁ ମଧ୍ୟ ଅଯଥାରେ ବାରମ୍ବାର ଚଢାଉ କରି ନାନା ନିର୍ଯାତନା ଦିଆଯାଉଥିବା ବେଳେ ବେଆଇନ କାରବାର ଚଲାଉଥିବା ବଡ ବଡିଆ ଦୋକାନୀ ମାନଙ୍କ ପାଖରେ ପହଁଞ୍ଚି ପାରୁନଥିବା ଅଭିଯୋଗ ହୋଇଛି । ଉଦ୍ଦେଶ୍ୟ ମୂଳକ ଭାବରେ ଏପରି ଚଢାଉକୁ ବିରୋଧ କରି ଜିଲ୍ଲାପାଳଙ୍କ ଠାରେ ଅଭିଯୋଗ ନେଇ ପହଞ୍ଚିଥିଲା ସଂଘ ।
କୃଷି ବିଭାଗ ଅଯଥାରେ ଚଢାଉ କରି ହଇରାଣ କରୁଥିବା ଅଭିଯୋଗ
ଲକଡାଉନ ସମୟରେ ଦୋକାନ ବନ୍ଦ ରହୁଥିବାରୁ କାଗଜପତ୍ର କାମ ସଂପୂର୍ଣ୍ଣ ହୋଇପାରିନଥିଲା । ବର୍ତ୍ତମାନ ସମୟରେ ଦୋକାନ ମାନଙ୍କରେ ପ୍ରବଳ ଭିଡ ପାଇଁ ସେସବୁ କାମ କରିବାରେ ଅସମର୍ଥ ହେଉଥିବା ସାର ଓ କୀଟନାଶକ ଦୋକାନୀ ମାନେ କହୁଥିବା ବେଳେ ସମୟ ନଦେଇ ଏପରି ଅତର୍କିତ ଚଢାଉ କରିବାକୁ ବିରୋଧ କରିଛନ୍ତି ।