ନବ ନିଯୁକ୍ତ ବରଗଡ ଜିଲ୍ଲା କଂଗ୍ରେସ ସଭାପତିଙ୍କୁ ସମ୍ବର୍ଦ୍ଧନା

ଜିଲ୍ଲା କଂଗ୍ରେସ କମିଟିର ପ୍ରସ୍ତାବିତ ଅଫିସ ପ୍ରାଙ୍ଗଣରେ ଶୁକ୍ରବାର ବରଗଡ଼ ଜିଲ୍ଲା କଂଗ୍ରେସ କମିଟି ତରଫରୁ ନବ ନିଯୁକ୍ତ କଂଗ୍ରେସର ଜିଲ୍ଲା ସଭାପତି ନିରାହ ରଞ୍ଜନ ମହାନନ୍ଦଙ୍କୁ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା ।

ବରଗଡ:ଜିଲ୍ଲା କଂଗ୍ରେସ କମିଟିର ପ୍ରସ୍ତାବିତ ଅଫିସ ପ୍ରାଙ୍ଗଣରେ ଶୁକ୍ରବାର ବରଗଡ଼ ଜିଲ୍ଲା କଂଗ୍ରେସ କମିଟି ତରଫରୁ ନବ ନିଯୁକ୍ତ କଂଗ୍ରେସର ଜିଲ୍ଲା ସଭାପତି ନିରାହ ରଞ୍ଜନ ମହାନନ୍ଦଙ୍କୁ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା | କଂଗ୍ରେସ ଦଳ ସାଧାରଣ ଜନତାଙ୍କ କିଭଳି ଆସ୍ଥାଭାଜନ ହୋଇ ପାରିବ ଏବଂ ଲୋକଙ୍କ ସୁଖ ଦୁଃଖର ସାଥି ହୋଇ ଜନତାଙ୍କ ଆସ୍ଥା ଭାଜନ ହୋଇପାରିବ ଏବଂ କଂଗ୍ରେସ ଦଳକୁ ମଜବୁତ କରିବାକୁ ଉଦ୍ୟମ ଜାରି ରଖିବେ ବୋଲି କହିଥିଲେ ନୂତନ ସଭାପତି ନିହାର ରଞ୍ଜନ ମହାନନ୍ଦ |

ଶୁକ୍ରବାର ଅତାବିରା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ନିହାର ରଞ୍ଜନ ମହାନନ୍ଦଙ୍କୁ ବରଗଡ ଜିଲ୍ଲା କଂଗ୍ରେସ ସଭାପତି ଭାବରେ ଦାୟିତ୍ଵ ହସ୍ତାନ୍ତର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି |

ଏହି କାର୍ଯ୍ୟକ୍ରମରେ କଂଗ୍ରେସ କମିଟିର କାର୍ଯ୍ୟକାରୀ ସଭାପତି ଜୁଗଲ ପ୍ରସାଦ ସିଂହଙ୍କ ସଭାପତିତ୍ବରେ ପୂର୍ବତନ ବିଧାୟକ ସତ୍ୟଭୂଷଣ ସାହୁ, ବରଗଡ ଲୋକସଭା ସଦସ୍ୟ ପ୍ରାର୍ଥୀ ପ୍ରଦୀପ ଦେବତା,ବରଗଡ ବିଧାନସଭା ପ୍ରାର୍ଥୀ ନିପନ ଦାଶ, ବିଜେପୁର ବିଧାନସଭା ପ୍ରାର୍ଥୀ ଦିଲ୍ଲୀପ ଦାଶ ପ୍ରମୁଖ ଉପସ୍ଥିତ ଥିଲେ l କଂଗ୍ରେସ ଦଳକୁ କିଭଳି ସଶକ୍ତ କରାଯାଇ ପାରିବ ସେ ସମ୍ପର୍କ ରେ ଆଲୋଚନା କରାଯାଇଥିଲା । ଏଥିସହ ନବନିଯୁକ୍ତ ସଭାପତିଙ୍କୁ ସମସ୍ତ କଂଗ୍ରେସକର୍ମୀ ତରଫରୁ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା l

ବରଗଡରୁ ରାଜେଶ ସରାପ, ଇଟିଭି ଭାରତ