ବରଗଡ: ୨୦୧୯-୨୦ ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ହଜାର ହଜାର ଚାଷୀ ପ୍ରିମିୟମ ଭରିଥିବା ବେଳେ ତା ମଧ୍ୟରୁ ଅନେକ ଚାଷୀ ଏପର୍ଯ୍ୟନ୍ତ ବୀମା ଟଙ୍କା ପାଇନାହାନ୍ତି । ଫଳରେ ଏନେଇ ବରଗଡ ଜିଲ୍ଲା ଚାଷୀ ରାଜରାସ୍ତାକୁ ଓହ୍ଲାଇଛନ୍ତି ଚାଷୀ । ପଦ୍ମପୁର ଉପଖଣ୍ଡ ଗାଇସିଲେଟ ବ୍ଲକ ଅନ୍ତର୍ଗତ କଠଉମାଲ କୃଷି ସମବାୟ ସମିତି ଲିଃ ସାମ୍ନାରେ ଆମରଣ ଅନଶନରେ ବସିଛନ୍ତି 226 ଚାଷୀ ।
ମିଳୁନି ଫସଲ ବୀମା ରାଶି, ଆମରଣ ଅନଶନରେ 226
୨୦୧୯ରେ କ୍ଷମା ସାହୁ ଥିଲେ କୃଷି ସମବାୟ ସମିତି ଲିମିଟେଡର ସମ୍ପାଦକ । ଆଉ ତାଙ୍କର ଅବସର ପରେ ଦିଲ୍ଲୀପ ପ୍ରଧାନ ସମ୍ପାଦକ ଅଛନ୍ତି । ଲୋକମାନେ ଯେତେବେଳେ ନୂତନ ସମ୍ପାଦକଙ୍କୁ ବୀମା ରାଶି ପାଇଁ ଅଭିଯୋଗ ଆଣିଲେ ଦିଲ୍ଲୀପ ପ୍ରଧାନ କିନ୍ତୁ ଏବିଷୟରେ କିଛି ଜାଣି ନଥିବାରୁ ସେ କିଛି କରିପାରିବେ ନାହି ବୋଲି ଚାଷୀଙ୍କୁ ସିଧା ସିଧା ମନା କରିଛନ୍ତି । ଶେଷରେ ଚାଷୀ ଉପାୟ ଶୂନ୍ୟ ହୋଇ ଆମରଣ ଅନଶନକୁ ଓହ୍ଲେଇଛନ୍ତି ।