ବରଗଡ଼: ଜିଲ୍ଲାରେ ରବି ଧାନ ସଂଗ୍ରହ ପ୍ରକ୍ରିୟା ଅବ୍ୟବସ୍ଥିତ ହୋଇପଡ଼ିଛି । ମଣ୍ଡିକୁ ଚାଷୀମାନେ ଧାନ ଆଣୁଛନ୍ତି, କିନ୍ତୁ ବିଭିନ୍ନ ଆଳରେ ସେହି ଧାନକୁ ଉଠାଯାଉ ନଥିବା ଚାଷୀମାନେ ଅଭିଯୋଗ କରିଛନ୍ତି । ଜିଲ୍ଲାର ଭେଡେନ ବ୍ଲକ ଅନ୍ତର୍ଗତ ସାହ୍ଲେପାଲି ଅଞ୍ଚଳର ଶତାଧିକ ଚାଷୀ ଏଭଳି ଅଭିଯୋଗ କରି ବରଗଡ଼ ଜିଲାପାଳ ଅଫିସ ଆଗରେ ଧାରଣାରେ ବସିଛନ୍ତି ।
ମଣ୍ଡିରୁ ଉଠୁନି ଧାନ, ଜିଲ୍ଲାପାଳଙ୍କ ଅଫିସରେ ସମ୍ମୁଖରେ ଚାଷୀଙ୍କ ଧାରଣା
ସେମାନଙ୍କ ପାଖରେ ଟୋକନ ରହିଛି । ସେହିପରି ଧାନ ଉଠାଇବା ପାଇଁ ଟାର୍ଗେଟ ମଧ୍ୟ ଅଛି । କିନ୍ତୁ ମିଲର୍ସମାନେ ଜାଣିଶୁଣି ଆସୁ ନଥିବାରୁ ମଣ୍ଡିର ଖୋଲା ଆକାଶ ତଳେ ପ୍ରାୟ ୧୦ ହଜାର ପକେଟ ଧାନ ବିକ୍ରି ଅପେକ୍ଷାରେ ପଡ଼ିଥିବା ଚାଷୀମାନେ ଅଭିଯୋଗ କରିଥିଲେ।