ବରଗଡ: କୋରୋନା ଦୋହଲାଇ ଦେଇଛି ଚଷାପୁଅର ମେରୁଦଣ୍ଡ । ଓଡିଶାର ଭାତହାଣ୍ଡି କୁହାଯାଉଥିବା ବରଗଡର ସମସ୍ତ ଚାଷୀ ଏବେ ଚିନ୍ତାରେ । ସଙ୍କଟରେ ଧାନ ଓ ପରିବା ଚାଷୀ । ଅକ୍ଷୟ ତୃତୀୟାକୁ ଆଉ ଦୁଇ ମାସ ବାକି ଥିବା ବେଳେ ତାଲା ବନ୍ଦ ଯୋଗୁଁ ଚାଷୀଙ୍କୁ ମିଳୁନି ବିହନ । ଚାଷ ଲାଗି ବିହନ କିଣିବାକୁ ବଜାରକୁ ଗଲେ ପୋଲିସଠାରୁ ମାଡ଼ ଖାଇ ଫେରୁଥିବା କୋହ ଭରା କଣ୍ଠରେ କହୁଛନ୍ତି ଚାଷୀ ।
ମିଳୁନି ବିହନ, ଚିନ୍ତାରେ ବରଗଡ ଚାଷୀ
ସେପଟେ ଅମଳ ହେବାକୁ ଥିବା ଧାନରେ ପୋକ ମଧ୍ୟ ଲାଗିବାକୁ ବସିଲାଣି । କିନ୍ତୁ ମିଳୁନି କୀଟନାଶକ । ଯେଉଁ ଅଳ୍ପ କିଛି ଦୋକାନ ଖୋଲା ରହୁଛି ସେଠାରେ ଆବଶ୍ୟକୀୟ କୀଟନାଶକ ସାମଗ୍ରୀ ମିଳିବା ବି ମୁସକିଲ । ରାସ୍ତାକୁ ବାହାରିଲେ, ପୋଲିସର ନାଲି ଆଖି ଓ ଗାଡି ଜବତକୁ ଡର । ଏବର୍ଷ ଭଲ ଚାଷ ହୋଇଥିଲେ ବି ଫସଲ ବିକ୍ରି ନ ହୋଇ କ୍ଷେତରେ ନଷ୍ଟ ହେଉଛି ।