ବରଗଡ: ଚଳିତ ବର୍ଷ ଧାନ ସଂଗ୍ରହ ପ୍ରକ୍ରିୟାରେ ରାଜ୍ୟ ସରକାରଙ୍କ ନୂତନ ନିୟମ ଚାଷୀ କୂଳକୁ ନିରାଶ କରିବା ସହ ଅସୁବିଧାରେ ପକାଇଛି। ଗୋଟିଏ ପଟେ ଟୋକନ ବ୍ୟବସ୍ଥାରେ ଅନିୟମିତତା ତ ଅନ୍ୟପଟେ ଆଖି ସ୍କାନ କରିବାର ନିୟମ ଯୋଗୁଁ ବରଗଡ ଜିଲ୍ଲାର ଚାଷୀ ମଣ୍ଡିରେ ମଧ୍ୟ ନିଜର ଧାନ ବିକ୍ରି କରିବାରେ ଅସମର୍ଥ ହୋଇଛି। ଫଳରେ ବାଧ୍ୟ ହୋଇ କମ ଦାମରେ ବେପାରୀଙ୍କୁ ଧାନ ବିକ୍ରି କରୁଛି।
ମାଳ ମାଳ ଯୋଜନା ଆଗରେ ଅସହାୟ ଚାଷୀକୂଳ
ରାଜ୍ୟର ଭାତହାଣ୍ଡି କୁହାଯାଉଥିବା ବରଗଡ ଜିଲ୍ଲାର ଚାଷୀ ଏବେ ନିଜର ଉପାର୍ଜିତ ଧାନ ବିକ୍ରି କରିବାରେ ଅସମର୍ଥ ହୋଇପଡିଛି। ସରକାରଙ୍କ ଟୋକନ ସିଷ୍ଟମ ଯୋଗୁଁ ଧାନ ଅମଳ କରି ସାରିଥିବା ଚାଷୀ ନିଜ ଧାନକୁ ଘରେ ରଖି ଟୋକନର ଅପେକ୍ଷାରେ ଅନାଇ ବସିଥିବା ବେଳେ ଟୋକନ ଆସିଥିବା ଚାଷୀଙ୍କ ଧାନ ଅମଳ ହୋଇନାହିଁ। ଫଳରେ ବହୁ ଚାଷୀ ଧାନ ବିକ୍ରି କରି ନପାରି ବାଧ୍ୟ ହୋଇ ବେପାରୀଙ୍କୁ କମ ଦାମରେ ଧାନ ବିକ୍ରି କରୁଛନ୍ତି।