ବରଗଡ:ବିପୁଳ ପରିମାଣର କଫସିରପ ଜବତ ସହ ଜଣକୁ ଗିରଫ କଲା ବରଗଡ଼ ଅବକାରୀ ବିଭାଗ l ଗର୍ଭଣା ଗ୍ରାମରେ 890 ବୋତଲ କଫସିରପ ଜବତ କରାଯାଇଥିବା ସୂଚନା ଦେଇଛନ୍ତି ଅବକାରୀ ଇନ୍ସପେକ୍ଟର ରଶ୍ମିତା ଲାକ୍ରା । ଗିରଫ ଅଭିଯୁକ୍ତ ହେଉଛି ଉକ୍ତ ଗ୍ରାମର ଶରତ ଚନ୍ଦ୍ର ଆଚାର୍ଯ୍ୟ ।
ମିଳିଥିବା ସୂଚନା ଅନୁଯାୟୀ ଗର୍ଭଣା ଗ୍ରାମରେ କପସିରଫ ଗଚ୍ଛିତ ଥିବା ନେଇ ଏକ ବିଶେଷସୁତ୍ରରୁ ଖବର ପାଇଥିଲା ଅବକାରୀ ବିଭାଗ। ଏହାପରେ ଅବକାରୀ କମିଶନର ଆଶିଷ ସିଂଙ୍କ ନିର୍ଦ୍ଦେଶରେ ବରଗଡ ଅବକାରୀ SP ପ୍ରଦୀପ ପଟ୍ଟନାୟକ ଓ ଇନ୍ସପେକ୍ଟର ରଶ୍ମିତା ଲାକ୍ରାଙ୍କ ନେତୃତ୍ଵରେ ଏକ ସ୍ବତନ୍ତ୍ର ଟିମ ଗ୍ରାମରେ ଅତର୍କିତ ଚଢ଼ାଉ କରି 890 ବୋତଲ କପସିରଫ ଜବତ କରିଥିଲା । ଏନେଇ ଏକ ମାମଲା ରୁଜୁ କରାଯିବା ସହ ଅଭିଯୁକ୍ତକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
