ବରଗଡ଼: ଅତାବିରା ମା'ଦୁର୍ଗା ମନ୍ଦିରରୁ ଚୋରି ହୋଇଥିବା ଅଭିଯୋଗ ହୋଇଛି । ମନ୍ଦିରରୁ ଦାନବାକ୍ସ ସହ ମା ଦୁର୍ଗାଙ୍କ ସୁନା ମୁକୁଟ, 4ଟି ଛତ୍ର, ଗୋଟିଏ ମଥାମଣି ଗତକାଲି ରାତିରେ ଚୋରି ହୋଇଥିବା ନେଇ ଅତାବିରା ଥାନାରେ ଅଭିଯୋଗ ହୋଇଛି ।
ଅତାବିରା ମାଁ ଦୁର୍ଗାଙ୍କ ମନ୍ଦିରରୁ ଚୋରି, ସିସିଟିଭିରେ କଏଦ ହେଲା ଦୃଶ୍ୟ
ଗତକାଲି(ଶୁକ୍ରବାର) ବିଳମ୍ବିତ ରାତିରେ ଅତାବିରା ଜାତୀୟ ରାଜପଥ କଡ଼ରେ ଥିବା ମା' ଦୁର୍ଗାଙ୍କ ମନ୍ଦିରରୁ ଚୋରିର ସମସ୍ତ ଦୃଶ୍ୟ ସିସିଟିଭିରେ କଏଦ ହୋଇଛି । ସିସିଟିଭରେ ଚୋରି କରିଥିବା ବ୍ୟକ୍ତିର ଚେହେରା ଅସ୍ପଷ୍ଟ ରହିଛି । ପୋଲିସ ଏହି ସିସିଟିଭି ଆଧାରରେ ତଦନ୍ତ ଆରମ୍ଭ କରିଛି । ଖୁବଶୀଘ୍ର ଚୋର ଧରାପଡ଼ିବ ବୋଲି ପୋଲିସ ଆଶ୍ବସନା ଦେଇଛି । ସେପଟେ ଅତାବିରା ଥାନା ସମ୍ମୁଖରେ ଦୁର୍ଗା ମନ୍ଦିର ରହିଥିବା ବେଳେ କେମିତି ମନ୍ଦିରରୁ ଚୋରି ହେଲା ବୋଲି ପ୍ରଶ୍ନ କରିଛନ୍ତି ଲୋକେ ।