ବରଗଡ଼: ଜିଲ୍ଲାର ବିଭିନ୍ନ ସ୍ଥାନରେ ଗତକାଲି ଠାରୁ ଲଗାଣ ବର୍ଷା ଜାରି ରହିଛି । ମୌସୁମୀର ପ୍ରଥମ ବର୍ଷା ପରେ ଦୀର୍ଘ ଦିନ ଧରି ବର୍ଷା ଉଭାନ ହୋଇଯାଇଥିବା ବେଳେ ଏବେ ପୁଣି ଆରମ୍ଭ ହୋଇଯାଇଛି ପ୍ରବଳ ବର୍ଷା । ଯାହାଫଳରେ ବରଗଡ ସହର ଦେଇ ଯାଇଥିବା ଜିରା ନଦୀର ଜଳସ୍ତର ବଢି ଅମ୍ବାପାଲି ଓ ବରଗଡ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ଲଗାଣ ବର୍ଷା ପ୍ରଭାବରେ ପ୍ରଥମ ଥର ପାଇଁ ଜିରା ନଦୀର ଜଳସ୍ତର ବଢିଛି । ତେବେ ନଦୀର ପୁରୁଣା ବ୍ରିଜ ଭଙ୍ଗା ଯାଇ ନୂତନ ବ୍ରିଜ ନିର୍ମାଣ କରାଯାଉ ଥିବାବେଳେ ଯାତାୟତ ନିମନ୍ତେ ନିର୍ମିତ ଅସ୍ଥାୟୀ ରାସ୍ତାରେ ପାଣି ବହୁଥିବାରୁ ଅମ୍ବାପାଲି-ବରଗଡ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଯାଇଛି ।