ବରଗଡ଼ :ବରଗଡ଼ ସଦର ଥାନାର ଫ୍ରିଜ୍ ଭିତରେ ନାଗ ସାପ । ସାପକୁ ଉଦ୍ଧାର କଲା ବରଗଡ଼ ସ୍ନେକ ହେଲ୍ପ ଲାଇନ । ଥାନାରେ ସାପ ଥିବା ଦେଖି ପୋଲିସ କର୍ମଚାରୀ ମାନେ ଭୟଭୀତ ହୋଇପଡ଼ିଥିଲେ । ଏହାପରେ ବରଗଡ଼ ସ୍ନେକ ହେଲ୍ପ ଲାଇନକୁ ସାହାଯ୍ୟ ପାଇଁ ଫୋନ କରିଥିଲେ । ତେବେ ସାଙ୍ଗେ ସାଙ୍ଗେ ସଦର ଥାନାକୁ ସ୍ନେକ ହେଲ୍ପ ଲାଇନର ସଦସ୍ୟ ପହଞ୍ଚି ଥାନା ଭିତରୁ ଉକ୍ତ ସାପକୁ ଉଦ୍ଧାର କରିଥିଲେ । ଏହାପରେ ନାଗ ସାପକୁ ଜଙ୍ଗଲରେ ଛାଡି ଦିଆଯାଇଥିଲା ।
ଫ୍ରିଜ ଭିତରୁ ନାଗ ସାପ ଉଦ୍ଧାର
ସୂଚନାନୁସାରେ ବରଗଡ଼ ସଦର ଥାନାର ଜଣେ ଅଫିସର ଦିନ ପ୍ରାୟ ଦୁଇଟା ବେଳେ ଫ୍ରିଜକୁ ଖୋଲିବା ବେଳେ ତଳେ ଏକ ସାପ ଲାଞ୍ଜକୁ ଦେଖି ଭୟରେ ଫ୍ରିଜକୁ ବନ୍ଦ କରିଦେଇଥିଲେ । ଏନେଇ ତୁରନ୍ତ ସ୍ନେକ ହେଲ୍ପ ଲାଇନକୁ ଖବର ଦେଇଥିଲେ ସଦର ଥାନା ଅଧିକାରୀ । ବରଗଡ଼ରେ ସ୍ନେକ ହେଲ୍ପ ଲାଇନ ସଦସ୍ୟ ରମଣ ବାଗ ସଙ୍ଗେ ସଙ୍ଗେ ସଦର ଥାନାରେ ପହଞ୍ଚିଲେ ।