ବରଗଡ: ଆସନ୍ତାକାଲି(ମଙ୍ଗଳବାର) ବରଗଡ ଗସ୍ତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଜିଲ୍ଲାରେ ନବନିର୍ମିତ ମୁଖ୍ୟ ଚିକିତ୍ସାଳୟ ଓ ସାଇନ୍ସ ପାର୍କ ଉଦଘାଟନ ସହିତ ସମୁଦାୟ 32 ଗୋଟି ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ। ଯାହାକୁ ନେଇ ପୋଲିସ ପ୍ରଶାସନ ପକ୍ଷରୁ ଚାଲିଛି ବ୍ୟାପକ ପ୍ରସ୍ତୁତି।
ବରଗଡରେ 32 ଗୋଟି ପ୍ରକଳ୍ପର ଶିଳାନ୍ୟାଶ କରିବେ ମୁଖ୍ୟମନ୍ତ୍ରୀ
ବରଗଡ ସହରରୁ 8 କିମି ଦୂରରେ ଥିବା ଭଟଲି ବ୍ଲକ ଅନ୍ତର୍ଗତ ଟୁକୁର୍ଲା(ଖେଦାପାଲି) ନିକଟରେ ନିର୍ମିତ ହୋଇଥିବା ମୁଖ୍ୟ ଡାକ୍ତରଖାନା ପରିସରରେ ହେଲିକପ୍ଟର ଯୋଗେ ମଧ୍ୟାହ୍ନ ପ୍ରାୟ ୧୨ଟା ୧୫ରେ ମୁଖ୍ୟମନ୍ତ୍ରୀ ପହଞ୍ଚିବେ । ସେଠାରେ ନୂତନ ଜିଲ୍ଲା ମୁଖ୍ୟ ଡାକ୍ତରଖାନାକୁ ଉଦଘାଟନ କରିବେ । ପରେ ନିକଟରେ ରହିଥିବା ସାଇନ୍ସ ପାର୍କର ମଧ୍ୟ ଉଦଘାଟନ କରିବେ। ସେହିପରି ସମୁଦାୟ ୩୨ ଗୋଟି ପ୍ରକଳ୍ପର ଶିଳାନ୍ୟାଶ କରିବା ପରେ ୧୨ଟା ୪୫ ମିନିଟରେ ଟୁକୁର୍ଲା ନିକଟରେ ଆୟୋଜିତ ସାଧାରଣ ସଭାରେ ଉଦବୋଧନ ଦେବେ।