ବରଗଡ:ଚଳିତ ବର୍ଷ ବିଶ୍ବ ପ୍ରସିଦ୍ଧ ବରଗଡ ଧନୁଯାତ୍ରାରେ ବଳରାମ ଭୂମିକାରେ ଚୟନ ହୋଇଥିବା ଶ୍ରିୟାଂଶ ପୂଜାରୀଙ୍କର ଅକାଳରେ ବିଯୋଗ ଘଟିଛି । ଘରର ଛାତ ଉପରେ ଆଜି ସେ ଖେଳୁଥିବା ସମୟରେ ବେକରେ ରସି ଛନ୍ଦି ହେବା କାରଣରୁ ଅଣନିଶ୍ବାସ ହୋଇ ପ୍ରାଣ ହରାଇଛନ୍ତି ।
ଆରପାରିକୁ ଚାଲିଗଲେ ଧନୁଯାତ୍ରାର ବଳରାମ
ତେବେ ଶ୍ରିୟାଂଶ ପୂଜାରୀ ବରଗଡ ଶିଶୁମନ୍ଦିର ହିନ୍ଦୀ ବିଭାଗ ସ୍କୁଲରେ ସପ୍ତମ ଶ୍ରେଣୀରେ ପାଠ ପଢୁଥିଲେ l ଧନୁଯାତ୍ରାରେ କୃଷ୍ଣ ଓ ବଳରାମ ଭୂମିକାରେ ଅଭିନୟ କରୁଥିବା କୁନି କଳାକାରଙ୍କୁ ବରଗଡବାସୀ ହୃଦୟରେ ପ୍ରକୃତ ଭଗବାନର ସ୍ଥାନ ଦେଇଥାନ୍ତି l ବିଶ୍ବ ପ୍ରସିଦ୍ଧ ଧନୁଯାତ୍ରାକୁ ଆଉ 17 ଦିନ ବାକି ଥିବା ବେଳେ ଆଜି ହଠାତ ବଳରାମ ଭୂମିକାରେ ଅଭିନୟ କରିବାକୁ ଥିବା କୁନି ଶ୍ରିୟାଂଶ ଙ୍କର ମୃତ୍ୟୁ ଖବର ବରଗଡବାସୀଙ୍କୁ ସ୍ତବ୍ଧ କରିଦେଇଛି l