ବରଗଡ: ଜିଲ୍ଲାର ଅତାବିରା ନିର୍ବାଚନ ମଣ୍ଡଳୀରେ ରବିବାର ବିଜେପିର ବିଜୟ ସଂକଳ୍ପ ସମାବେଶ ଅନୁଷ୍ଠିତ ହୋଇଯାଇଛି। ଥୁଆପାଳି ପଡିଆରେ ବିଜେପିର ଏହି ସମାବେଶକୁ ରାଜ୍ୟ ସଭାପତି ବସନ୍ତ ପଣ୍ଡା ଶୁଭ ଉଦଘାଟନ କରିଥିଲେ। ଏହି ସମାବେଶରେ ବିଜେପିର ରାଷ୍ଟ୍ରୀୟ ସମ୍ପାଦକ ତଥା ରାଜ୍ୟ ସଭା ସାଂସଦ ବିନୟ କଟିଆର , ଓଡିଆ ଚଳଚ୍ଚିତ୍ର ଅଭିନେତ୍ରୀ ମାହେଶ୍ଵତା ରାୟ, ପୂର୍ବତନ ମନ୍ତ୍ରୀ ଜୟନାରାୟଣ ମିଶ୍ର, ରାଜ୍ୟ ଉପସଭାପତି ଅଶ୍ଵିନୀ ଷଡଙ୍ଗୀ ପ୍ରମୁଖ ଯୋଗ ଦେଇଥିଲେ।
ପୁଲୱାମାରେ ଶହୀଦ ହୋଇଥିବା ଯବାନ ମାନଙ୍କ ଆତ୍ମାର ସଦଗତି ନିମନ୍ତେ ସମାବେଶ ଆରମ୍ଭରୁ ପ୍ରଥମେ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା। ଏହି ସମାବେଶରେ ଅତାବିରା ଅଞ୍ଚଳର ଶହୀଦ ଯବାନ ମାନଙ୍କ ପରିବାର ମାନଙ୍କୁ ସମ୍ମାନିତ କରାଯାଇଥିଲା।