ବରଗଡ: ସରକାରୀ ବିଦ୍ୟାଳୟ ମାନଙ୍କରେ ପାଠ ପଢ଼ୁଥିବା ଛାତ୍ରଛାତ୍ରୀମାନଙ୍କୁ ମେଡ଼ିକାଲ ଓ ଇଂଜିନିୟରିଂ ପ୍ରବେଶିକା ପରୀକ୍ଷାରେ ସ୍ଥାନ ସଂରକ୍ଷଣ ବ୍ୟବସ୍ଥା କରିଥିବା ଯୋଗୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ବରଗଡ ଜିଲ୍ଲା ଯୁବ ବିଜୁ ଜନତା ଦଳ ।
ଶିକ୍ଷା ବ୍ୟବସ୍ଥାରେ ସଂରକ୍ଷଣ ପାଇଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଲା ବରଗଡ ଜିଲ୍ଲା ଯୁବ ବିଜେଡି
ରାଜ୍ୟ ସରକାର ନେଇଥିବା ଐତିହାସିକ ନିଷ୍ପତ୍ତିକୁ ବରଗଡ଼ ଜିଲ୍ଲାର ଛାତ୍ରଛାତ୍ରୀ ଠାରୁ ଆରମ୍ଭ କରି ଅବିଭାବକ ମହଲରେ ଆନନ୍ଦଲହରୀ ଦେଖାଦେଇଛି । ମାଟ୍ରିକ ପରୀକ୍ଷା ପରେ ଗାଁ ଗହଳିରେ ଥିବା ଗରିବ,ଅନୁସୂଚିତ ଜାତି ଏବଂ ଜନଜାତିର ପିଲାମାନେ ଅର୍ଥାଭାବରୁ କୋଚିଂ ସୁବିଧା ପାଇ ପାରୁନାହାନ୍ତି । ଏପରି ସମୟରେ ଏହି ସଂରକ୍ଷଣ ବ୍ୟବସ୍ଥା ଫଳରେ ସେମାନେ ଉପକୃତ ହୋଇପାରିବେ ବୋଲି କହିଛନ୍ତି ଅଭିଭାବକ ଓ ବୁଦ୍ଧିଜୀବୀ। ଏହି ପରିପ୍ରେକ୍ଷୀରେ ମଙ୍ଗଳବାର ବରଗଡ଼ ଜିଲ୍ଲା ବିଜୁ ଯୁବ ଜନତା ଦଳ ତରଫରୁ ମୁଖ୍ୟମନ୍ତ୍ରୀଙ୍କ ଯୁଗାନ୍ତକାରୀ ପଦକ୍ଷେପକୁ ସ୍ବାଗତ କରିବା ସହ ଧନ୍ୟବାଦ ଜ୍ଞାପନ କରାଯାଇଛି |