କୋରୋନାରୁ ରକ୍ଷା ପାଇବା ପାଇଁ ଶିବ ମନ୍ଦିର ନିର୍ମାଣର ଶୁଭ ଦେଲେ ବିଧାୟିକା

କୋରୋନା ମହାମାରୀରୁ ରକ୍ଷା ପାଇବା ପାଇଁ ମହାଦେବ ଭଗବାନ ଶିବଙ୍କ ଉପରେ ଆସ୍ଥା ରଖି ମନ୍ଦିର ନିର୍ମାଣ ପାଇଁ ଶୁଭ ସ୍ତମ୍ଭ ସ୍ଥାପନ କରିଛନ୍ତି ବିଜେପୁର ବିଧାୟିକା ରୀତା ସାହୁ |

ବରଗଡ: କୋରୋନା ମହାମାରୀ ଭୟରେ ଲୋକେ ଆତଙ୍କିତ ହୋଇ ପଡିଥିବା ବେଳେ ଦିନକୁ ଦିନ ରାଜ୍ୟରେ ବଢି ଚାଲିଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏପରି ପରିସ୍ଥିତିରେ କେବଳ ଭଗବାନଙ୍କର ଆଶା ଓ ଭରଷାରେ ନିଜକୁ ଛାଡି ଦେଇଛନ୍ତି ବହୁ ଲୋକେ । ଏହି ମହାମାରୀରୁ ରକ୍ଷା ପାଇବା ପାଇଁ ମହାଦେବ ଭଗବାନ ଶିବଙ୍କ ଉପରେ ଆସ୍ଥା ରଖି ମନ୍ଦିର ନିର୍ମାଣ ପାଇଁ ଶୁଭ ସ୍ତମ୍ଭ ସ୍ଥାପନ କରିଛନ୍ତି ବିଜେପୁର ବିଧାୟିକା ରୀତା ସାହୁ ।

ବରପାଲି ବ୍ଲକ କୁମ୍ଭାରୀ ପଞ୍ଚାୟତ ବାଦପାଲିର ଏକ ବିରାଟ ପୋଖରୀ ମଧ୍ୟରେ ରହିଥିବା ଟାପୁରେ ଶିବ ମନ୍ଦିର ନିର୍ମାଣର ଶୁଭ ଦେଇଛନ୍ତି ବିଧାୟିକା । ଏକ ନଉକା ସାହାଯ୍ୟରେ ପୋଖରୀ ଦେଇ ଏହି ଟାପୁ ଭିତରକୁ ଯାଇ ସେଠାରେ ପୂଜା ବିଧି ସାରି ଶୁଭ ଦେଇଛନ୍ତି ସେ । ଗାଁ ଲୋକଙ୍କ ବିଶ୍ବାସ ରହିଛି ଯେ ଭଗବାନ ଶିବ ଗ୍ରାମବାସୀଙ୍କୁ ଏହି ମହାମାରୀରୁ ରକ୍ଷା କରିବେ ।

ବରଗଡରୁ ରାଜେଶ ସରାଫ, ଇଟିଭି ଭାରତ