ବରଗଡ: ପୌରପରିଷଦ ନିର୍ବାଚନ ପାଇଁ ବରଗଡରେ ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି ପ୍ରସ୍ତୁତି । ବରଗଡ ଜିଲ୍ଲାର 4 ଟି ସ୍ଥାନରେ ଗୁରୁବାର ପଡିବ ଭୋଟ । ବରପାଲି, ବିଜେପୁର ଏବଂ ପଦ୍ମପୁର NAC ରେ ମତଦାନ ହେବାକୁ ଥିବାବେଳେ ବରଗଡ ପୌରପରିଷଦରେ ମଧ୍ୟ ନିର୍ବାଚନ ହେବ ।
Municipal Election: ବରଗଡରେ ପ୍ରସ୍ତୁତି ଶେଷ
ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ଶେଷ ହୋଇଯାଇଛି ସମସ୍ତ ପ୍ରସ୍ତୁତି । ବରଗଡ ପୌରପରିଷଦରେ 74 ଟି ବୁଥ ରହି ଥିବାବେଳେ ବରପାଲିରେ 19, ବିଜେପୁରରେ 11 ଓ ପଦ୍ମପୁରରେ 17 ଟି ବୁଥ ରହିଛି । ମତଦାନ ପାଇଁ ସମୁଦାୟ 121 ଟି ବୁଥର ଆୟୋଜନ କରାଯାଇଛି । ସେଥି ମଧ୍ୟରୁ 43 ଟି ବୁଥ ସମ୍ବେଦନଶୀଳ ରହି ଥିବାବେଳେ 4 ଗୋଟି ବୁଥ ଅତି ସମ୍ବେଦନଶୀଳ ରହିଥିବା ପୋଲିସ ବିଭାଗ ପକ୍ଷରୁ ସୂଚନା ଦିଆଯାଇଛି ।