ବରଗଡ଼: ଜିଲ୍ଲା ମୁଖ୍ୟ ଚିକିତ୍ସାଳୟରେ ଡାକ୍ତରଙ୍କ ଅବହେଳା ଯୋଗୁଁ ରୋଗୀର ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି ପରିବାର ଲୋକେ । ଏନେଇ ବୁଧବାର ରାତି ୯ଟାରୁ ବରଗଡ଼ ଡାକ୍ତରଖାନାରେ ଲାଗି ରହିଛି ଚାପା ଉତ୍ତେଜନା ।
ଜିଲ୍ଲା ୧୩ ନମ୍ବର ୱାର୍ଡ ବାଲିଟିକିରାର ଚୈତନ୍ୟ ବେହେରା ନାମକ ଜଣେ ୫୨ ବର୍ଷର ବ୍ୟକ୍ତି ଜିଲ୍ଲା ମୁଖ୍ୟ ଚିକିତ୍ସାଳୟରେ ସକାଳେ ଭର୍ତ୍ତି ହୋଇ ଚିକିତ୍ସିତ ହେଉଥିଲେ । ପରେ ତାଙ୍କର ମୃତ୍ୟୁ ଘଟିଛି । ଏନେଇ ଉତ୍ତେଜନା ଲାଗିରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ଼
ସୂଚନା ଅନୁସାରେ ଚୈତନ୍ୟଙ୍କୁ ଅତ୍ୟଧିକ ଝାଡା ହେଉଥିବାରୁ ପରିବାର ଲୋକେ ତାଙ୍କୁ ଡାକ୍ତରଖାନାରେ ଚିକିତ୍ସିତ କରାଉଥିଲେ । ରାତି ପାଖାପାଖି ୯ଟାରେ ଚୈତନ୍ୟଙ୍କ ସ୍ବାସ୍ଥ୍ୟବସ୍ଥା ବିଗିଡିବାରୁ ପରିବାର ଲୋକେ ଏମର୍ଜେନ୍ସିରେ ଥିବା ଡାକ୍ତରଙ୍କୁ ଡ଼ାକିଥିଲେ ହେଲେ ଡ଼ାକ୍ତର ଜଣକ ଅବହେଳା ମନୋଭାବ ରଖି ରୋଗୀ ନିକଟକୁ ଆସିନଥିଲେ । ଫଳରେ ସଙ୍ଗେ ସଙ୍ଗେ ଚୈତନ୍ୟଙ୍କର ମୃତ୍ୟୁ ଘଟିଥିଲା ।