ବରଗଡ: ପ୍ରଧାନମନ୍ତ୍ରୀ ଆବାସ ଯୋଜନାକୁ ହଡ଼ପ କରି ବିଜୁ ପକ୍କା ଘର ପୋଷ୍ଟର ମାରିବାକୁ ନେଇ ବିଜେପିର ବିରୋଧ । ଏହାକୁ ନେଇ ସୋମବାର ବରଗଡ ବିଧାନସଭା ବିଜେପି ପକ୍ଷରୁ ବ୍ଲକ କାର୍ଯ୍ୟାଳୟ ଘେରାଉ କରାଯାଇଛି ।
ଵରଗଡ ବ୍ଲକ ଅଫିସରେ ବିଜୁ ପକ୍କା ଘର ପୋଷ୍ଟର ଚିରି ବିରୋଧ କଲା ବିଜେପି
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବାଧୀନ କେନ୍ଦ୍ର ସରକାର ଦେଉଥିବା ପ୍ରଧାନମନ୍ତ୍ରୀ ଆବାସ ଯୋଜନାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଜ୍ୟ ସରକାର ବିଜୁ ପକ୍କା ଘର ନାମରେ ସରକାରୀ କର୍ମଚାରୀଙ୍କୁ ନିୟୋଜିତ କରି ଦଳୀୟ ପ୍ରଚାର କରୁଛନ୍ତି । ବିଜୁ ପକ୍କା ଘର ନାମରେ ଓଡିଶା ସରକାରଙ୍କ ପୋଷ୍ଟର ମାରିବା ଘଟଣାକୁ ବିରୋଧ କରି ବିଜେପି ରାଜ୍ୟ ସଭାପତି ସମୀର ମହାନ୍ତିଙ୍କ ନିର୍ଦ୍ଦେଶ କ୍ରମେ ସମଗ୍ର ଓଡ଼ିଶାରେ ଆଜି ବ୍ଲକ ଅଫିସ ଘେରାଉ କାର୍ଯ୍ୟକ୍ରମ କରିଥିଲା ।