ବରଗଡ: ତୋରା ସୋସାଇଟି ମହାଦୁର୍ନୀତିର ପର୍ଦ୍ଦାଫାଶ ପରେ ବି ଚୁପ୍ ପ୍ରଶାସନ । ନିଆଯାଇନି କାର୍ଯ୍ୟାନୁଷ୍ଠାନ । ଥାନାରେ ରୁଜ୍ଜୁ ହୋଇନି ମାମଲା କି ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଦିନ ପରେ ଦିନ ଗଡି ଚାଲିଛି ତଥାପି ପ୍ରଶାସନ ଚୁପ୍ ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ନିକଟରେ ତୋରା ସୋସାଇଟି କିଭଳି ନଦୀ, ନାଳକୁ ଜମି ବୋଲି ଦର୍ଶାଇ ନକଲି ଚାଷୀ ନାମରେ ଧାନ ବିକ୍ରି କରିଥିଲା ତାହା ଜଣାଇଥିଲୁ । ଇଟିଭି ଭାରତ ହାତରେ ଲାଗିଥିବା ସମସ୍ତ ଦସ୍ତାବିଜକୁ ଲୋକଲୋଚନକୁ ଆଣିଥିଲୁ ଆମେ । ଖୋଦ୍ ବିଭାଗୀୟ ଅଧିକାରୀ ଲକ୍ଷାଧିକ ଦୁର୍ନୀତି ହୋଇଥିବା ସ୍ବୀକାର କରିଥିବା ବେଳେ ବିଡମ୍ବନାର ବିଷୟ ଏ ପର୍ଯ୍ୟନ୍ତ ଦୁର୍ନୀତିରେ ସମ୍ପୃକ୍ତି ଥିବା ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ ।