ବରଗଡ: ଅଳ୍ପ କିଛି ଦିନ ହେବ ଜିଲ୍ଲାରେ ଯୋଗ ଦେଇଛନ୍ତି ନୂଆ ଏସପି । ଜିଲ୍ଲାରେ ନୂତନ ମହିଳା ଏସପି ଯୋଗଦାନ କରିବାର ମାତ୍ର ୧୨ ଦିନ ହୋଇଛି । ଏଇ 12 ଦିନ ମଧ୍ୟରେ ଦୁଇଗୋଟି ଡକାୟତ ଦଳକୁ ଧରିବାରେ ସଫଳ ହୋଇଛନ୍ତି ମହିଳା ଏସପି । ବରଗଡ ସହର ଦେଇ ଯାଇଥିବା ଜାତୀୟ ରାଜପଥରେ ବାରମ୍ବାର ହେଉଥିବା ଲୁଟପାତ ଓ ଡକାୟତିକୁ ନେଇ ଅଞ୍ଚଳବାସୀ ଭୟଭୀତ ହୋଇପଡିଥିବା ବେଳେ ମହିଳା ଏସପି ପଦ୍ମିନୀ ସାହୁ ଦୁଇଟି ଡକାୟତ ଦଳର ସମୁଦାୟ ୧୨ ଜଣ ଡକାୟତଙ୍କୁ କାବୁ କରି ବରଗଡ ବାସୀଙ୍କୁ ସୁରକ୍ଷା ଦେବାରେ ସଫଳ ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ବରଗଡ ସହରରେ ଦୀର୍ଘ ୫ ମାସ ହେଲା ରାଜପଥରେ ରାଜ କରୁଛନ୍ତି ଲୁଟେରା । ଡକାୟତି ଘଟଣା ବଢିଚାଲିଥିବା ବେଳେ ପୋଲିସ ଲୁଟେରାଙ୍କୁ କାବୁ କରିବାରେ ବିଫଳ ରହୁଥିଲା, କିନ୍ତୁ ନୂଆ ମହିଳା ଏସପି ପଦ୍ମିନୀ ସାହୁ ବରଗଡରେ କାର୍ଯ୍ୟଭାର ସମ୍ଭାଳିବା ମାତ୍ରେ ପ୍ରଥମେ ଏହି ଲୁଟ ଘଟଣା ଉପରେ ଗୁରୁତ୍ଵ ଦେବା ସହ ୧୨ ଦିନ ମଧ୍ୟରେ ଦୁଇ ଗୋଟି ଡକାଯତ ଦଳକୁ କାବୁକରି ଜେଲ ପଠାଇଛନ୍ତି ।