ବରଗଡ: ଆଇନଜୀବୀ ପ୍ରଶାନ୍ତ ଭୂଷଣଙ୍କର ସମର୍ଥନରେ ବରଗଡ଼ ସମ୍ବିଧାନ ସୁରକ୍ଷା ମଞ୍ଚ ପକ୍ଷରୁ ଶୋଭାଯାତ୍ରା । ପ୍ରଶାନ୍ତ ଭୂଷଣଙ୍କର କଣ୍ଠରୋଧ ବିରୋଧରେ ନାରାବାଜି କରାଯିବା ସହ ସୁପ୍ରିମକୋର୍ଟଙ୍କ ଦଣ୍ଡାଦେଶକୁ କଡା ନିନ୍ଦା କରାଯାଇଛି । ବରଗଡ ଗାନ୍ଧୀ ଛକ ସ୍ଥିତ ଗାନ୍ଧୀ ପ୍ରତିମୂର୍ତ୍ତି ସାମ୍ନାରେ ଆଜି ମଞ୍ଚର ସଭ୍ୟମାନେ ଏହି ଶୋଭାଯାତ୍ରା କରିଛନ୍ତି ।
ପ୍ରଶାନ୍ତ ଭୂଷଣଙ୍କ ସମର୍ଥନରେ ବରଗଡ ସମ୍ବିଧାନ ସୁରକ୍ଷା ମଞ୍ଚର ଶୋଭାଯାତ୍ରା
ବିଶ୍ବର ସବୁଠୁ ବଡ଼ ଗଣତାନ୍ତ୍ରିକ ଦେଶରେ ବାକ୍ ସ୍ଵାଧିନତାକୁ ପ୍ରାଥମିକତା ଦିଆଯାଉ ବୋଲି ନାରା ଲଗାଇଥିଲେ ସଭ୍ୟମାନେ । ପ୍ରଶାନ୍ତ ଭୂଷଣ କରିଥିବା ଟ୍ବିଟରେ ସେ ନିଜର ମତବ୍ୟକ୍ତ ଦେବା ତାଙ୍କର ଗଣତାନ୍ତ୍ରିକ ଅଧିକାର । କିନ୍ତୁ ତାଙ୍କ କଣ୍ଠରୋଧ କରିବାକୁ ଚେଷ୍ଟା କରାଯାଉଛି ବୋଲି ମଞ୍ଚର ସଦସ୍ୟମାନେ କହିଛନ୍ତି ।