ଭୁବନେଶ୍ବର: ବରଗଡ ସିଟି ହସପିଟାଲ କରିବାକୁ ବୁଧବାର ବରଗଡ ସାଂସଦ ସୁରେଶ ପୂଜାରୀ ରାଜ୍ୟପାଳଙ୍କୁ ଭେଟି ଦାବି ଜଣାଇଛନ୍ତି। ବରଗଡ ଜିଲ୍ଲା ମୁଖ୍ୟ ଚିକିତ୍ସାଳୟ ୭ କିମି ଦୂର ହେଉଥିବାରୁ ଚିକିତ୍ସା ପାଇଁ ଲୋକେ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ସେଥିପାଇଁ ସିଟି ହସ୍ପିଟାଲ ସହ ଏକ କ୍ୟାନ୍ସର ହସ୍ପିଟାଲ କରିବାକୁ ଦାବି କରିଛନ୍ତି ସାଂସଦ ପୂଜାରୀ ।
ଏନେଇ ଲୋକସେବା ଭବନରେ ସ୍ଵାସ୍ଥ୍ୟମନ୍ତ୍ରୀ ନବକିଶୋର ଦାସଙ୍କୁ ମଧ୍ୟ ଭେଟିଛନ୍ତି ସେ । ଏହା ଉପରେ ପ୍ରତିକ୍ରିୟା ରଖି ସ୍ଵାସ୍ଥ୍ୟମନ୍ତ୍ରୀ କହିଛନ୍ତି ଯେ, ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଅନୁଯାୟୀ, ବରଗଡ ପିଏଚସିକୁ ସିଏଚସି କରାଯିବ ଏହାସହ ୨୪ ଘଣ୍ଟିଆ ସ୍ବାସ୍ଥ୍ୟ ସେବା ଯୋଗାଇଦେବାକୁ ପ୍ରତିଶ୍ରୁତି ଦେଇଛନ୍ତି । ଏହାସହ କ୍ୟାନ୍ସର ହସ୍ପିଟାଲ କରିବାକୁ ମୁଖ୍ୟମନ୍ତ୍ରୀ ପୂର୍ବରୁ ଘୋଷଣା କରିଛନ୍ତି। ବରଗଡରେ ସିଟି ହସପିଟାଲ ଦାବି ନେଇ ତିନିଦିନ ହେବ ଆନ୍ଦୋଳନ କରୁଛନ୍ତି ସ୍ଥାନୀୟ ବାସିନ୍ଦା ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
