ବରଗଡ: ଚଳିତ ସପ୍ତାହ ଚାଲିଛି ଦୁର୍ନୀତି ନିବାରଣ ସଚେତନତା ସପ୍ତାହ । ଯାହାକୁ ନେଇ ଆଜି(ଗୁରୁବାର) ବରଗଡ଼ର ସମସ୍ତ ସରକାରୀ ଅଫିସମାନଙ୍କରେ ଏହି ଦୁର୍ନୀତି ନିବାରଣ ସପ୍ତାହ ପାଳନ କରାଯାଇଛି । ବିଭିନ୍ନ କାର୍ଯ୍ୟାଳୟମାନଙ୍କରେ ସମସ୍ତ କର୍ମଚାରୀମାନେ ଏକତ୍ରିତ ହୋଇ ଦୁର୍ନୀତି ନ କରିବା ସହ ନାଗରିକଙ୍କ ପାଇଁ ସତ୍ୟନିଷ୍ଠାର ସହ କାମ କରିବାକୁ ଶପଥପାଠ କାର୍ଯ୍ୟକ୍ରମ କରାଯାଇଛି ।
ଶପଥ ପାଠ କରାଇଲେ ବରଗଡ ଜିଲ୍ଲାପାଳ
ଦୁର୍ନୀତିକୁ ମୂଳପୋଛ କରିବା, ସାଧୁତା ଅବଲମ୍ବନ କରିବା ସହ ଆଇନ ଅନୁସରଣ କରି ଲାଞ୍ଚ ନନେବା ତଥା ନଦେବା ପ୍ରଭୃତି ପାଇଁ ଶପଥ ପାଠ କରାଯାଇଛି । ବରଗଡ଼ ଜିଲ୍ଲାପାଳ ଜ୍ୟୋତିରଞ୍ଜନ ପ୍ରଧାନ ଜିଲ୍ଲାର ସମସ୍ତ ସରକାରୀ କର୍ମଚାରୀଙ୍କୁ ଦୁର୍ନୀତିରୁ ନିବୃତ ରହିବା ପାଇଁ ସଚେତନତା ବାର୍ତ୍ତା ପ୍ରଦାନ କରିଛନ୍ତି ।