ବରଗଡ: ଜିଲ୍ଲାପାଳଙ୍କ ଅଫିସ ଘେରିଲା ବରଗଡ଼ ଜିଲ୍ଲାର ବାରିକ ମହାସଂଘ । ଜିଲ୍ଲା ଗ୍ରୀନ ଜୋନରେ ଆସିବା ପରେ ସମସ୍ତ ଦୋକାନ ବଜାର ଖୋଲିବାକୁ ଅନୁମତି ଦିଆଗଲା ମାତ୍ର ସେଲୁନ ଏବଂ ବିଉଟିପାର୍ଲର ଉପରେ କଟକଣା ଲଗାଯାଇଥିବା ବିରୋଧରେ ଜିଲ୍ଲାପାଳଙ୍କ ଠାରେ ଦାବିପତ୍ର ପ୍ରଦାନ କଲା ବାରିକ ସଂଘ ।
ସେଲୁନ ଖୋଲିବାକୁ ବାରିକ ସଙ୍ଘର ଦାବି
ମହାମାରୀ କୋରୋନାର ସଂକ୍ରମଣ ରୋକିବା ପାଇଁ ଦୀର୍ଘ ଦିନରୁ ହୋଇଥିଲା ଲକଡାଉନ । ତେବେ ସଂକ୍ରମଣ କମିବା ପରେ ଗତ 17 ତାରିଖରୁ ବରଗଡ଼ ଜିଲ୍ଲାରେ ଅନଲକ୍ ହୋଇ କୋଭିଡ଼ କଟକଣା କୋହଳ ହୋଇଛି । ସକାଳ 6 ଟାରୁ ସନ୍ଧ୍ୟା 5 ଟା ପର୍ଯ୍ୟନ୍ତ ସମସ୍ତ ଦୋକାନ ବଜାର ଖୋଲା ରହିବାର ନୂତନ ଗାଇଡଲାଇନ କରାଯାଇଥିବା ବେଳେ କିନ୍ତୁ ସେଲୁନ ଏବଂ ବିଉଟିପାର୍ଲର ଗୁଡିକ ବନ୍ଦ ରଖାଯାଇଛି ଯାହାକୁ ନେଇ ତୀବ୍ର ଅସନ୍ତୋଷ ଦେଖାଦେଇଛି ଜିଲ୍ଲାର ବାରିକ ମହାସଂଘ ମଧ୍ୟରେ ।