ବରଗଡ଼: ଜମ୍ମୁ-କାଶ୍ମୀରରୁ ହଟିଲା ଧାରା 370 । ଜମ୍ମୁ-କାଶ୍ମୀର ଓ ଲଦାଖକୁ ଘୋଷଣା କରାଗଲା କେନ୍ଦ୍ର ଶାସିତ ଅଞ୍ଚଳ । ଦୀର୍ଘ 72 ବର୍ଷ ପରେ ଏକ ହୋଇଛି ଦେଶ । ଭାରତର ଅଖଣ୍ଡତାକୁ ପ୍ରମାଣ କରିଦେଇଛନ୍ତି ମୋଦି ସରକାର । କାଶ୍ମୀରରୁ କନ୍ୟାକୁମାରୀରେ ଉଡିବ ଗୋଟିଏ ପତାକା । ଜମ୍ମୁ-କାଶ୍ମୀରକୁ ସ୍ବତନ୍ତ୍ର ରାଜ୍ୟ ପାହ୍ୟା ମାନ୍ୟତା ପାଇଁ ଦେଶରେ ଲାଗି ରହୁଥିଲା ଅଶାନ୍ତ । ଆଉ ଏହି ଧାରା ଉଚ୍ଛେଦ ପରେ ଆତଙ୍କୀ ଦମନରେ ଐତିହାସିକ ପଦକ୍ଷେପ ନେଇଛନ୍ତି କେନ୍ଦ୍ର ସରକାର । ଯାହାକୁ ନେଇ ସାରା ଦେଶରେ ଏବେ ଖୁସିର ମାହୋଲ । ବରଗଡ଼ ବିଜେପି ପକ୍ଷରୁ ମଧ୍ୟ ବାଣ ଫୋଟକା ଫୁଟାଇ ଲୋକଙ୍କୁ ମିଷ୍ଠାନ୍ନ ବଣ୍ଟନ କରିଛନ୍ତି ଉଚ୍ଛେଦ ଧାରାର ସମର୍ଥନରେ ଉତ୍ସବ ମନାଇଛନ୍ତି । ରାସ୍ତାକୁ ସମସ୍ତ ଦଳୀୟ କର୍ମୀ ଓହ୍ଲାଇ 'ଭାରତ ମାତା କୀ' ଜୟର ସ୍ଲୋଗାନ ଦେଇଛନ୍ତି ଦଳୀୟ କର୍ମୀ ।
ଜମ୍ମୁ-କାଶ୍ମୀରକୁ ମିଳୁଥିବା ସ୍ବତନ୍ତ୍ର ରାଜ୍ୟ ମାନ୍ୟତା ଧାରା 370କୁ ଉଚ୍ଛେଦ କଲା ପରେ ଦେଶର ସାଧାରଣ ଜନତା ଠୁ ବୁଦ୍ଧିଜୀବୀଙ୍କ ଲାଗି ରହିଛି ସମର୍ଥନ । ରାଷ୍ଟ୍ରପତି ଏହି ବିଜ୍ଞପ୍ତିକୁ ଅନୁମୋଦନ ପରେ ସୋମବାର ଗୃହମନ୍ତ୍ରୀ ଅମିତ ଶାହା ରାଜ୍ୟ ସଭାରେ ଧାରା 370କୁ ଉଚ୍ଛେଦକୁ ପ୍ରସ୍ତାବ ଦେଇଥିଲେ । ଆତଙ୍କୀଙ୍କୁ ମୂଳପୋଛ କରିବା ହେଲେ ଏହି ଧାରାକୁ ହଟାଇବାକୁ ପଡିବ । କାଶ୍ମୀରକୁ ବିକାଶ ଧାରାରେ ଆସିବାକୁ ହେଲେ ସ୍ବତନ୍ତ୍ର ରାଜ୍ୟପାହ୍ୟା ମାନ୍ୟତା ହରାଇବାକୁ ପଡିବ ବୋଲି ସେ ମନ୍ତବ୍ୟ ଦେଇଥିଲେ । ଯାହା ପରବର୍ତ୍ତୀ ସମୟରେ ଏହି ବିଲକୁ ଗୃହରୁ ପାରିତ କରାଯାଇଛି । ସପକ୍ଷରେ 125ଟି ଭୋଟ ପଡିଥିବାବେଳେ ବିପକ୍ଷରେ 61 ଜଣ ଭୋଟ ଦେଇଥିଲେ ରାଜ୍ୟସଭାରେ ଲୋକସଭା ବିଲ ପାରିତ ହେବା ପରେ ଆଜି(ମଙ୍ଗଳବାର) ଲୋକସଭାରେ ଉପସ୍ଥାପନା କରାଯିବ ।