ବରଗଡ: ଉପକାରାଗାରରେ ବିଚାରଧୀନ କଏଦୀଙ୍କୁ ନିସ୍ତୁକ ମାଡ । ବରଗଡ ଉପକାରାଗାରର ଜେଲ କର୍ମଚାରୀଙ୍କ ବିରୁଦ୍ଧରେ ଏହି ଅଭିଯୋଗ ହୋଇଛି । ନିମ୍ନମାନର ଖାଦ୍ୟ ଦିଆଯାଉଥିବା ନେଇ ପ୍ରତିବାଦ କରିବାରୁ ଦୁଇ ଜଣ ବିଚାରଧୀନ କଏଦୀଙ୍କୁ ଜେଲ କର୍ତ୍ତୃପକ୍ଷ ମାଡ ମାରି ଆହତ କରିଥିବା ଅଭିଯୋଗ ଆସିଛି ।
ଉପକାରାଗାରରେ ବିଚାରାଧୀନ କଏଦୀଙ୍କୁ ନିସ୍ତୁକ ମାଡ ଅଭିଯୋଗ
ସୂଚନା ଅନୁଯାୟୀ, ବରଗଡ଼ ସହର ବ୍ରହ୍ମଚାରୀ ପଡ଼ାର ଦୀପକ ଗୁପ୍ତା(21) ଏବଂ ଫୁଲବାବୁ ଚୌଧରୀ(23)ଙ୍କୁ କିଛି ଦିନ ପୂର୍ବେ ବରଗଡ ପୋଲିସ ଏକ ଡକାୟତି ଘଟଣାରେ ଗିରଫ କରି ଜେଲ ପଠାଇଥିଲା । ଜେଲ ଭିତରେ ଭଲ ଖାଦ୍ୟ ଦିଆଯାଉନଥିବା ସେମାନେ ଅଭିଯୋଗ କରିଥିଲେ । ଯାହାକୁ ନେଇ ଜେଲରେ ଥିବା ୱାର୍ଡର ଓ ଆସିଷ୍ଟାଣ୍ଟ ଜେଲର ତାଙ୍କୁ ମାଡ ମାରିଥିବା ପରିବାର ଲୋକଙ୍କୁ ସାକ୍ଷାତ କରିଥିବା ସମୟରେ ସେ ଜଣାଇଥିଲେ ।