ବରଗଡ଼: ସରିଛି ନୂଆଁଖାଇର ସମସ୍ତ ପ୍ରସ୍ତୁତି । ପଶ୍ଚିମ ଓଡ଼ିଶାର ମହାନ କୃଷିଭିତ୍ତିକ ପର୍ବ ନୂଆଁଖାଇକୁ ନେଇ ଗାଁ ଠାରୁ ସହର ବେଶ ଚଳଚଞ୍ଚଳ । ବରଗଡ଼ ଜିଲ୍ଲାରେ ମଧ୍ୟ ଏହି ପର୍ବକୁ ନେଇ ବେଶ ଉତ୍ସାହ ଦେଖିବାକୁ ମିଳିଛି । ଘର ଦ୍ବାର ଲିପାପୋଛା ଠାରୁ ଆରମ୍ଭ କରି କୁରେପତ୍ର ତୋଳିବାରେ ଲାଗିପଡିଥିଲେ ସଭିଏଁ । ଚାଷୀ ତାର ଉତ୍ପାଦିତ ଶସ୍ୟକୁ ଇଷ୍ଟଦେବୀକୁ ଅର୍ପଣ କରିବାକୁ ବ୍ୟଗ୍ର ହୋଇପଡିଛି ।
ମନ୍ଦିର ଓ ଘରଦ୍ବାର ସବୁଠି ସରିଛି ସଫାସୁତୁରା କାମ। ରାତି ପାହିଲେ ଭାଦ୍ରବ ଶୁକ୍ଳପକ୍ଷ ପଞ୍ଚମୀ ତିଥି। ନବାନ୍ନ ବା ନୂଆଁଖାଇ ଗଣପର୍ବ ପାଇଁ ବିଶେଷ କରି ଗୃହିଣୀ ଘର ସଜାଡ଼ିବାରେ ଲାଗିଛନ୍ତି। ନୂଆଁଖାଇକୁ ନେଇ ବେଶ ଉତ୍ସାହର ସହିତ ମହିଳା, ଘର ଲିପାପୋଛା ଠାରୁ ଆରମ୍ଭକରି ସମସ୍ତ ପ୍ରସ୍ତୁତି ଶେଷ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ଼