ପିସି ନଦେବାରୁ ଦରମା କାଟିଲେ ସୁପରଭାଇଜର, ଲଗାଇଲେ ମିଥ୍ୟା ଆରୋପ !

ପିସି ମାଗିଲେ, ମନା କରିବାରୁ ଦରମା କାଟିଲେ । ପୁଣି ଗ୍ରାମବାସୀଙ୍କୁ ଉସୁକାଇ ଅଭହେଳା ଅଭିଯୋଗ ମଧ୍ୟ ଆଣିଲେ । ବ୍ୟକ୍ତିଗତ କାରଣ ଦର୍ଶାଇ ଛୁଟିରେ ଥାଇ ମଧ୍ୟ କାରଣ ଦର୍ଶାଅ ନୋଟିସ ଜାରି କରାଯାଇଛି । ଏଭରି ଅଭିଯୋଗ ଆଣିଛନ୍ତି ଅଙ୍ଗନୱାଡ଼ି କର୍ମଚାରୀ ବ୍ରଜେଶ୍ବରୀ ପଧାନ ।

ବରଗଡ଼: ସୁପରଭାଇଜର ମାଗିଲେ ପିସି । ନଦେବାରୁ ଗ୍ରାମବାସୀଙ୍କ ଜରିଆରେ ଦେଲେ ଅବହେଳା ଅଭିଯୋଗ । ଏଭଳି ଅଭିଯୋଗ ହୋଇଛି ବରଗଡ଼ ବ୍ଲକର ଗଂଝିଆଟିକ୍ରା ଗ୍ରାମରେ । ବ୍ୟକ୍ତିଗତ କାରଣରୁ ଛୁଟିରେ ଥିବା ଅଙ୍ଗନୱାଡ଼ି କର୍ମଚାରୀ ବ୍ରଜେଶ୍ବରୀ ପଧାନଙ୍କୁ ପିସି ମାହଗିଥିଲେ ସରସରା ସେକ୍ଟରର ସୁପରଭାଇଜର ସୁବର୍ଣ୍ଣପ୍ରଭା ନାଏକ । ବ୍ରଜେଶ୍ବରୀ ପିସି ନଦେବାରୁ କାର୍ଯରେ ଅବହେଳା ନେଇ ତାଙ୍କ ନାମରେ ହୋଇଛି ଅଭିଯୋଗ ।

ICDS ଅଧୀନରେ ଦୀର୍ଘ ୧୨ ବର୍ଷ ହେଲା ଗଂଝିଆଟିକ୍ରା ଗ୍ରାମରେ ଅଙ୍ଗନବାଡ଼ି କର୍ମୀ ଭାବରେ କାମକରି ଆସୁଛନ୍ତି ବ୍ରଜେଶ୍ବରୀ ପଧାନ । ପ୍ରସବ କାଳୀନ କାରଣ ଛୁଟିରେ ଥିବାବେଳେ ସରସରା ସେକ୍ଟର ସୁପରଭାଇଜର ସୁବର୍ଣ୍ଣପ୍ରଭା ତାଙ୍କୁ ମାଗିଥିଲେ ଲାଞ୍ଚ । ଏପରିକି ବ୍ରଜେଶ୍ବରୀଙ୍କ ଦରମା ମଧ୍ୟ ବନ୍ଦ କରିଦେଇ ନେଇ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି ଅଙ୍ଗନୱାଡ଼ି କର୍ମଚାରୀ ।

ବ୍ରଜେଶ୍ୱରୀ ପ୍ରସଵ କାଳୀନ ଛୁଟିରେ ଥିବାବେଳେ ସିଡ଼ିପିଓ ତାଙ୍କୁ କାର୍ଯ୍ୟରେ ଅବହେଳା କରୁଥିବାରୁ କାରଣ ଦର୍ଶାଅ ନୋଟିସ ଦେଲେ କାହିଁକି ? ତାଙ୍କର କୌଣସି ଭୁଲ ନଥାଇ ୨୨/୦୯/ ୨୦୧୮ ରୁ ତାଙ୍କର ଦରମା ବନ୍ଦ କରାଗଲା କାହିଁକି ? ସିଡ଼ିପିଓ ଏବଂ ସୁପରଭାଇଜର ଉଭୟେ ମିଶି ଆକ୍ରୋଶ ମନୋଭାବ ନେଇ ବ୍ରଜେଶ୍ୱରୀ ଙ୍କୁ ମାନସିକ ନିର୍ଯାତନା ଦେଉଥିବା ଅଭିଯୋଗ କରିଛନ୍ତି । ତେବେ ବ୍ରଜେଶ୍ୱରୀ ଗରିବ ଶ୍ରେଣୀର ହୋଇଥିବା ବେଳେ ତାଙ୍କର ଦରମା ବନ୍ଦ କରିଦେଇଥିବାରୁ ପରିବାର ପ୍ରତିପୋଷଣ କଷ୍ଟକର ହୋଇପଡିଥିବା ନେଇ ଜିଲ୍ଲାପାଳଙ୍କ ନିକଟରେ ସେ ଗୁହାରୀ କରିଛନ୍ତି । ଅନ୍ୟପକ୍ଷେ ସୁପ୍ରରଭାଇଜର ସୁବର୍ଣ୍ଣପ୍ରଭା ନାଏକ ଲୋକଙ୍କୁ ଉସୁକାଉଥିବାର ଏକ ଭିଡ଼ିଓର ସତ୍ୟାସତ୍ୟ ପଦାକୁ ପଡ଼ିଥିବା ବେଳେ ସେ ଏହି ବିଷୟରେ କିଛି କହିବାକୁ ମନା କରିଦେଇଛନ୍ତି।

ବରଗଡ଼ରୁ ରାଜେଶ ସରାପ, ଇଟିଭି ଭାରତ