ବରଗଡ: କୋରୋନା ଚିକିତ୍ସା ନେଇ ବରଗଡ ଜିଲ୍ଲାରୁ ଆସିଛି ସାଙ୍ଘାତିକ ଅଭିଯୋଗ । ଜିଲ୍ଲାରେ କରୋନା ସଂକ୍ରମିତଙ୍କୁ କୌଣସି ଚିକିତ୍ସା କରାଯାଉନଥିବା ଭଳି ସଙ୍ଗୀନ ଅଭିଯୋଗ ହୋଇଛି । କେବଳ ଅନୁଧ୍ୟାନ ପାଇଁ ରଖାଯାଉଛି ଏବଂ ସ୍ଵାସ୍ଥ୍ୟବସ୍ଥା ଅତି ବିଗିଡିଲେ ଅନ୍ୟତ୍ର ସ୍ଥାନକୁ ଚିକିତ୍ସା ପାଇଁ ନିଆଯାଉଛି । ଏହି ଅଭିଯୋଗ ଆଣିଛନ୍ତି ବରଗଡର ପ୍ରଥମ କୋରୋନା ସଂକ୍ରମିତ ମହିଳା ଓ ତାଙ୍କ ପରିବାର ।
ବରଗଡରେ ଆଉ କୌଣସି ବ୍ୟକ୍ତି କୋରୋନା ସଂକ୍ରମିତ ହେଲେ ମହିଳା ଜଣକ ଦାୟୀ ରହିବେ ବୋଲି ତାଙ୍କୁ କହଯାଇଥିବା ସେ ଦାବି କହିଛନ୍ତି । ଏଥିସହିତ ଏକ ସାଧା କାଗଜରେ ପ୍ରଶାସନ ପକ୍ଷରୁ ଦସ୍ତଖତ ପାଇଁ ବାଧ୍ୟ କରିବା କେତେ ଦୂର ଯଥାର୍ଥ ବୋଲି ସେ ପ୍ରଶ୍ନ କରିଛନ୍ତି । କରୋନା ସଂକ୍ରମଣରୁ ସୁସ୍ଥ ହୋଇ ଘରକୁ ଫେରିଛନ୍ତି ମହିଳା ଜଣକ । ସୋସିଆଲ ମିଡିଆରେ ପୁରା ପରିବାରର ଫୋଟୋ ଭାଇରାଲ ହୋଇଥିଲା । ଏହାକୁ ନେଇ ଥାନାରେ ଅଭିଯୋଗ କରିବା ପରେ ସ୍ଥାନୀୟ ପୋଲିସ କୌଣସି କାର୍ଯ୍ୟନୁଷ୍ଠାନ ଗ୍ରହଣ କରୁନଥିବା ନେଇ ସେ ଅସନ୍ତୋଷ ଜାହିର କରିଛନ୍ତି ।