ବରଗଡ଼:ତିନି ମହଲା ଛାତ ଉପରୁ ପଡ଼ି ଆଜି ଜଣେ ପାଇପ୍ କାରିଗରଙ୍କ ମୃତ୍ୟୁ ହୋଇଛି। ବରଗଡ଼ ସହରର ଏକ ଆପାର୍ଟମେଣ୍ଟରେ ଏଭଳି ଏକ ଘଟଣା ଦେଖିବାକୁ ମିଳିଛି। ମୃତକ ବରଗଡ଼ ପୌର ପରିଷଦର ୱାର୍ଡ ନଂ-୨ର 30 ବର୍ଷୀୟ ଯୁବକ ବିଜୟ ମଲ୍ଲିକ ବୋଲି ଜଣା ପଡ଼ିଛି।
ବିଜୟ ବରଗଡ଼ ସହରର ଏକ ଆପାର୍ଟମେଣ୍ଟରେ କାମ କରୁଥିବା ବେଳେ ଭାରସାମ୍ୟ ହରାଇ ଅଚାନକ ଖସି ପଡ଼ିଥିଲେ। ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ବରଗଡ଼ ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା।