ବରଗଡ: ଦିଅରର ଟାଙ୍ଗିଆ ଚୋଟରେ ଭାଉଜଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏପରି ଅଘଟଣ ଘଟିଛି ବରଗଡ଼ ଜିଲ୍ଲା ଅତାବିରା ଥାନା ଅନ୍ତର୍ଗତ ପାହାଡ଼ ଶ୍ରୀଗୀଡା ଗ୍ରାମରେ । ଏହି ହତ୍ୟା ଘଟଣାର ଅତାବିରା ଥାନାରେ ଅଭିଯୋଗ ହେବାପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ତଦନ୍ତ ଆରମ୍ଭ କରିଦେଇଛି ।
ଦିଅରର ଟାଙ୍ଗିଆ ଚୋଟରେ ଭାଉଜ ମୃତ
ସୂଚନାନୁଯାୟୀ, ଶ୍ରୀଗିଡା ଗ୍ରାମର ଅର୍ଜୁନ ଖଡିଆଙ୍କ ସ୍ତ୍ରୀ ବୃନ୍ଦାବତୀ ଖଡିଆଙ୍କ ମୃତଦେହ ଆଜି(ରବିବାର) ରକ୍ତାକ୍ତ ଅବସ୍ଥାରେ ନିକଟସ୍ଥ ଦଶହାଣ୍ଡି କେନାଲରେ ପଡିଥିବା ଲୋକେ ଦେଖିଥିଲେ ଓ ପୋଲିସକୁ ଖବର ଦେଇଥିଲେ । ତେବେ ମୃତ ମହିଳାଙ୍କ ସ୍ଵାମୀ ଏହି ଘଟଣାରେ ଅତାବିରା ଥାନାରେ ଅଭିଯୋଗ ଆଣିଥିଲେ ଯେ ତାଙ୍କର ନିଜ ଭାଇ ଅଜେଷ ଟାଙ୍ଗିଆରେ ହାଣି ହତ୍ୟା କରିଛି ।