ବରଗଡ଼: ଗୁରୁବାର ବରଗଡ ଜିଲ୍ଲାରେ ସର୍ବାଧିକ ୮୧ ଜଣ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ସେଥିମଧ୍ୟରୁ କେବଳ ବରଗଡ଼ ପୌରାଞ୍ଚଳରୁ ୩୨, ସୋହେଲା ବ୍ଲକରୁ ୪, ଭେଡ଼େନ ବ୍ଲକରୁ ୩, ଭଟଲି ବ୍ଲକରୁ ୧୧, ଗାଇସିଲେଟ ବ୍ଲକରୁ ୧୫, ଅମ୍ବାଭୋନା ବ୍ଲକରୁ ୪, ପଦ୍ମପୁର ଏନଏସିରୁ ୩, ବରପାଲି ଏନଏସିରୁ ୮ ଏବଂ ବରଗଡ ବ୍ଲକରୁ ଜଣେ ଚିହ୍ନଟ ହୋଇଛନ୍ତି । ତେବେ ଆଜି ସଂକ୍ରମିତଙ୍କୁ ମିଶାଇ ଜିଲ୍ଲାରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୫୬୮ରେ ପହଞ୍ଚିଛି ।
ଜିଲ୍ଲାରେ ପୂର୍ବରୁ ଗୋଟେ ଦିନରେ ଏତେ ସଂଖ୍ୟାରେ ସଂକ୍ରମିତ ଚିହ୍ନଟ ହୋଇନଥିବାବେଳେ ଆଜି ୮୧ ଜଣ ସଂକ୍ରମିତ ଚିହ୍ନଟ ଘଟଣା ଜିଲ୍ଲାବାସୀଙ୍କ ପାଇଁ ଚିନ୍ତାର କାରଣ ପାଲଟିଛି । ବରଗଡ଼ ସହରରେ ଦୋକାନ ବଜାର ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଖୋଲା କରିବାର ନିଷ୍ପତ୍ତି ନେବାର ପରଦିନ ହିଁ ଟାଉନରେ କେବଳ ୩୨ ଜଣ ସଂକ୍ରମିତ ଚିହ୍ନଟ ଘଟଣା ଜିଲ୍ଲା ପ୍ରଶାସନର ଚିନ୍ତା ବଢିଯାଇଛି ।
ଦିନକରେ 81 ସଂକ୍ରମଣ ଚିହ୍ନଟ, ୫୬୮କୁ ଛୁଇଁଲା ସଂକ୍ରମିତ ସଂଖ୍ୟା