ବରଗଡ଼: ପୁଣି ଡରାଇଲାଣି କୋରୋନାର ଦ୍ବିତୀୟ ଲହର । ଏଭଳି ସ୍ଥିତିରେ ଲୋକଙ୍କ ପାଇଁ ଚିନ୍ତା ବଢୁଥିବା ବେଳେ କଟକଣାକୁ ମାନିବାକୁ ପରାମର୍ଶ ଦେଇଛନ୍ତି ସରକାର । ଏପଟେ ବରଗଡ଼ ଜିଲ୍ଲାରେ ଗତକାଲି(ରବିବାର) ପୁଣି 262 କୋରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ସମୁଦାୟ ସଂକ୍ରମଣ ସଂଖ୍ୟା 14,024 କୁ ପହଞ୍ଚିଥିବା ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଜଣାଇଛନ୍ତି ।
ବରଗଡ଼ରୁ 262 ପଜିଟିଭ୍ ଚିହ୍ନଟ
262 ଜଣ ସଙ୍କ୍ରମିତଙ୍କ ମଧ୍ୟରୁ 100 ଜଣ ମହିଳା ହୋଇଥିବା ବେଳେ 162 ଜଣ ସଂକ୍ରମିତ ପୁରୁଷ ରହିଛନ୍ତି । ଏହାସହ ବରଗଡ ଟାଉନରୁ 46 ଜଣ ସଂକ୍ରମିତ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।