ବରଗଡ: ଦିନକୁ ଦିନ ନିଶା କାରବାର ବଢି ଚାଲିଥିବା ବେଳେ ନିଶା ବେପାରୀଙ୍କ ଉପରେ ପୋଲିସ କଡା ନଜର ରଖିଛି । ଏହି ନିଶା ବେପାରୀଙ୍କୁ ଧରିବା ପାଇଁ ପୋଲିସ ପକ୍ଷରୁ ଜାରି ରହିଛି ଅଭିଯାନ । ଆଜି(ସୋମବାର) ପଦ୍ମପୁର ପୋଲିସ 3 ଜଣ ନିଶା ବେପାରୀଙ୍କୁ ଧରିବାରେ ସଫଳ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବରଗଡ
ବିଜେପୁର ଅଞ୍ଚଳରୁ ଜଣେ ଗଞ୍ଜେଇ ବେପାରୀକୁ ଗିରଫ କରାଯାଇଥିବା ବେଳେ ପଦ୍ମପୁର ଅଞ୍ଚଳରୁ 2 ଜଣ ଗଞ୍ଜେଇ ବେପାରୀଙ୍କୁ ପୋଲିସ ଗିରଫ କରିଥିବା ସାମ୍ବାଦିକ ସମ୍ବିଳନୀରେ ସୂଚନା ଦେଇଛି ପଦ୍ମପୁର ପୋଲିସ । ବିଜେପୁର ଥାନା ଖଇରମୁଣ୍ଡା ଗ୍ରାମର ସୁଦାମ ସେଠ୍ ନାମକ ଜଣେ ବ୍ୟକ୍ତିଙ୍କୁ ପୋଲିସ ଗିରଫ କରିଥିବା ବେଳେ ମନମୁଣ୍ଡାର ଅଜିତ କୁମାର ସାହୁ ଏବଂ କେଉଁଟେନପାଳି ଗ୍ରାମର ସୁନୀଲ କୁମାର ନନ୍ଦଙ୍କୁ ଗିରଫ କରିବା ସହିତ 21 କିଲୋ ଗଞ୍ଜେଇ ଜବତ କରିଛି ପୋଲିସ ।