ବରଗଡ: ଆକାଶଛୁଆଁ ପେଟ୍ରୋଲ ଦର ଯୋଗୁଁ ନିଜ ଉଦ୍ୟମରେ ବ୍ୟାଟେରୀ ଚାଳିତ ସାଇକେଲ ତିଆରି କରି ଚର୍ଚ୍ଚାରେ ଦୁଇ ଭାଇ । ଥରେ ବ୍ୟାଟେରୀ ଚାର୍ଜ କଲେ ସାଇକେଲରେ 100 କିଲୋମିଟର ଯାଇ ହେଉଛି ଏହି ବ୍ୟାଟେରୀ ଚାଳିତ ସାଇକେଲରେ । ନିଜ ଜ୍ଞାନ ଓ କୌଶଳରେ ଏପରି କମାଲ କରିଦେଖାଇଛନ୍ତି ବରଗଡ ଜିଲ୍ଲା ପାଇକମାଲ ବ୍ଲକ ଅନ୍ତର୍ଗତ ମାଣ୍ଡୋସିଲ ଗ୍ରାମର ଦୁଇ ଭାଇ ବିଜୁ ଓ ଅଜୁ ।
ସଙ୍କଟ ଦେଲା ଉପାୟ, ବ୍ୟାଟେରୀ ଚାଳିତ ସାଇକେଲ ଉଦ୍ଭାବନ କଲେ 2 ଭାଇ
ଇଚ୍ଛା ଥିଲେ ଉପାୟ ଆପେ ଆପେ ଆସେ । ଏହାକୁ ପ୍ରମାଣ କିର ଦେଖାଇଛନ୍ତି ଦୁଇ ଭାଇ ଅଜୁ ଖୁଣ୍ଟିଆ ଏବଂ ବିଜୁ ଖୁଣ୍ଟିଆ । ଦିନକୁ ଦିନ ପେଟ୍ରୋଲର ଅହେତୁକ ଦର ବୃଦ୍ଧି ପାଉଥିବାରୁ ଦୁଇ ଭାଇ ମିଶି ବ୍ୟାଟେରୀ ଚାଳିତ ସାଇକେଲ ଉଦ୍ଭାବନ କରିଛନ୍ତି । ଯାହା ଥରେ ଚାର୍ଜ କଲେ 100 କିଲୋମିଟର ପର୍ଯ୍ୟନ୍ତ କାର୍ଯ୍ୟକ୍ଷମ ହୋଇପାରୁଛି । ଏଥିସହ ଏହି ସାଇକେଲ ଦ୍ବାରା ପରିବେଶ ପ୍ରଦୂଷଣର ଆଶଙ୍କା ମଧ୍ୟ କମ୍ । ସାଇକେଲରେ ବ୍ୟାଟେରୀ ଲାଗିବା ସହ ଗୋଟିଏ ମଟର ଏବଂ ଲାଇଟ୍ ଖଞ୍ଜା ଯାଇଛି ।