୧ କୋଟିରୁ ଊର୍ଦ୍ଧ୍ବ ମୂଲ୍ୟର ବ୍ରାଉନସୁଗାର ଜବତ, କୁଖ୍ୟାତ ଅପରାଧୀ କିଶୋର ଗିରଫ

ବାଲେଶ୍ବର ସୋର NH 16 ପାଖରୁ ୧ କୋଟିରୁ ଅଧିକ ମୂଲ୍ୟର ବ୍ରାଉନସୁଗାର ଜବତ ହୋଇଛି । ଏହାସହିତ ବାଲେଶ୍ବରରୁ କୁଖ୍ୟାତ ଅପରାଧୀ କିଶୋର କୁମାର ମହାରଣାକୁ ମଧ୍ୟ ଗିରଫ କରିଛି ଏସଟିଏଫ ଟିମ । ଅଧିକ ପଢନ୍ତୁ

ଭୁବନେଶ୍ବର:ପୁଣି ଏକ କିଲୋରୁ ଅଧିକ ବ୍ରାଉନସୁଗାର ଜବତ। ବାଲେଶ୍ବର ଜିଲ୍ଲା ସୋରରୁ ଜବତ ହେଲା ଧଳାଜହର। ସୋର ଏନ୍ଏଚ୍-୧୬ ପାଖରୁ ୧ କେଜି ୧୦୦ ଗ୍ରାମ ବ୍ରାଉନ୍‌ସୁଗାର ଜବତ ସହ ବାବୁ ଓରଫ୍ କଲିମ୍‌କୁ ଗିରଫ କଲା STF ଟିମ । ବ୍ରାଉନ୍‌ସୁଗାର ଆନୁମାନିକ ମୂଲ୍ୟ ୧ କୋଟି ୧୦ ଲକ୍ଷ ଟଙ୍କା ହେବ ବୋଲି କହିଛି ଟିମ ।

କୁଖ୍ୟାତ ଅପରାଧୀ କିଶୋର କୁମାର ମହାରଣା ଓରଫ ମୁନୁ ନିକଟରୁ ଜବତ ମାରଣାସ୍ତ୍ର

ସୋରର ହୋଟେଲ ଲିଓ ସାଇ ଇଣ୍ଟରନ୍ୟାସନାଲ ପଛ ପଟୁ ଜବତ ହୋଇଛି ଏହି ନିଶା ଦ୍ରବ୍ୟ । ବ୍ରାଉନସୁଗାର ବିକିବା ଅଭିଯୋଗରେ ବାବୁ ଓରଫ କଲିମକୁ ଗିରଫ କରିଛି ଏସଟିଏଫ ଟିମ । ୨୦୨୦ରୁ ବର୍ତ୍ତମାନ ସୁଦ୍ଧା ୪୮ କେଜିରୁ ଅଧିକ ବ୍ରାଉନସୁଗାର ଜବତ କରିଛି STF । ଫେରାର ହତ୍ୟା ଅଭିଯୁକ୍ତ ତଥା କୁଖ୍ୟାତ ଅପରାଧୀ କିଶୋର କୁମାର ମହାରଣା ଓରଫ ମୁନୁକୁ ମଧ୍ୟ ଧରିଛି STF ଟିମ । ମୁନୁ ପାଖରୁ 9 MM ପିସ୍ତଲ, ୫ଟି ଜୀବନ୍ତ ଗୁଳି ଜବତ ହୋଇଛି । ୨୦୧୪ର ଏକ ହତ୍ୟା ଘଟଣା ପରଠୁ ଫେରାର ଥିଲା କିଶୋର ମହାରଣା ।

କୁଖ୍ୟାତ ଅପରାଧୀ କିଶୋର କୁମାର ମହାରଣା

ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ