ଖସିଗଲା ବେପାରୀ, ଜବତ ହେଲା 25 ଲକ୍ଷ ଟଙ୍କାର ବ୍ରାଉନସୁଗାର

ବାଲେଶ୍ଵର ଜିଲ୍ଲା ଜଳେଶ୍ବର ପୋଲିସ ପକ୍ଷରୁ ଝାଡେଶ୍ବରପୁର ବସ୍ତିରେ ଚଢ଼ାଉ କରାଯାଇ 250 ଗ୍ରାମର ବ୍ରାଉନସୁଗାର ଜବତ କରାଯାଇଥିବା ବେଳେ ଅଭିଯୁକ୍ତ ଖସି ପଳାଇଥିବା ଜଣାପଡିଛି। ଅଧିକ ପଢନ୍ତୁ...

ବାଲେଶ୍ବର: 250 ଗ୍ରାମର ବ୍ରାଉନସୁଗାର ଜବତ କଲା ପୋଲିସ । ବାଲେଶ୍ଵର ଜିଲ୍ଲା ଜଳେଶ୍ବର ପୋଲିସ ପକ୍ଷରୁ ଝାଡେସ୍ୱରପୁର ବସ୍ତିରେ ଚଢ଼ାଉ କରାଯାଇ 250 ଗ୍ରାମର ବ୍ରାଉନସୁଗାର ଜବତ କରାଯାଇଥିବା ବେଳେ ଅଭିଯୁକ୍ତ ଖସି ପଳାଇଥିବା ଜଣାପଡିଛି ।

ସୂଚନା ଅନୁଯାୟୀ, ବିଶେଷ ସୂତ୍ରରୁ ଖବର ପାଇ ଜଳେଶ୍ୱର ପୋଲିସ ଝାଡେଶ୍ୱରପୁର ବସ୍ତିରେ ଚଢାଉ କରିଥିଲେ । ଚଢାଉ ବେଳେ ଶେଖ କୋଟା ବାବୁ ନାମକ ବ୍ୟକ୍ତିଙ୍କୁ ଅଟକ ରଖି ବାଲି ତଳୁ 250 ଗ୍ରାମର ବ୍ରାଉନସୁଗାର ଜବତ କରିଥିଲେ । ମାତ୍ର ସେହି ସମୟରେ ଅଭିଯୁକ୍ତ ବାବୁ ପୋଲିସକୁ ଚକମା ଦେଖାଇ ଚମ୍ପଟ ମାରିଥିଲା। l ତେବେ ଜବତ ବ୍ରାଉନସୁଗାରର ମୂଲ୍ୟ 25 ଲକ୍ଷ ଟଙ୍କା ହେବବୋଲି ଜଣାପଡ଼ିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ