ବାଲେଶ୍ବର: ପ୍ରସ୍ତାବିତ ମଦ ଦୋକାନ ଖୋଲାଯିବାକୁ ନେଇ ମହିଳାଙ୍କ ବିରୋଧ ପ୍ରଦର୍ଶନ । ଖଇରା ବ୍ଲକ ଆଳଦା ସ୍ଥିତ ଶିବ ମନ୍ଦିର ପାଖରେ ମଦ ଦୋକାନ ନଖୋଲିବାକୁ ଓଡିଶା ଜୀବିକା ମିଶନ ଖଇରା ଶାଖା ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି । ମଦ ଦୋକାନ ସ୍ଥାନାନ୍ତର ନେଇ ଦାବି କଲେ ଶାଖାର ମହିଳା ମାନେ। ମଦ ଦୋକାନ ହେବାକୁ ଥିବା ସ୍ଥାନରେ ମନ୍ଦିର, ବିଦ୍ୟାଳୟ, ଅଙ୍ଗନବାଡି କେନ୍ଦ୍ର ରହିଛି । ଯଦି ମଦ ଦୋକାନା ହୁଏ ତେବେ ଏହା ଛୋଟପିଲାଙ୍କ ସହ ସମସ୍ତଙ୍କ ଉପରେ ପ୍ରଭାବ ପକାଇବ ବୋଲି ମହିଳା ମାନେ କହିଛନ୍ତି ।
ସୂଚନା ଅନୁଯାୟୀ, ଆଳଦା ସ୍ଥିତ ଶିବ ମନ୍ଦିର ପାଖରେ ଏକ ମଦ ଦୋକାନ ଖୋଲିବା ନେଇ ସ୍ଥିର ହୋଇଛି । କିନ୍ତୁ ଖଇରା ବଜାରରେ ମଦ ଦୋକାନ ସ୍ଥାନାନ୍ତର ଆମର ଦାବି ନାରା ଦେଇ ଗତକାଲି ଓଡିଶା ଜୀବିକା ମିଶନ ଖଇରା ଶାଖା ପକ୍ଷରୁ ମହିଳା ଗୋଷ୍ଠୀ ଏକ ଶୋଭାଯାତ୍ରାରେ ବାହାରି ତୋରାଣି ପଦା ଛକ ନିକଟରେ ପ୍ରତିବାଦ କରିଥିଲେ l ଏହି ମଦ ଦୋକାନ ପାଖରେ ମନ୍ଦିର, ବିଦ୍ୟାଳୟ, ସାଇ ମନ୍ଦିର, ଅଙ୍ଗନବାଡି କେନ୍ଦ୍ର ଥିବାରୁ ଏଠାରେ ମଦ ଦୋକାନ ସ୍ଥାନାନ୍ତର କରିବା ପାଇଁ ମହିଳା ମାନେ ଦାବି କରିଛନ୍ତି । ଏହି ଆନ୍ଦୋଳନର ନେତୃତ୍ବ ନେଇଥିଲେ ପୁଷ୍ପଲତା ମହାରଥା ଓ କବିତା ସାହୁ ।