ଥମୁନି ଲଘୁଚାପ ଜନିତ ବର୍ଷା, ବିପଦ ସଙ୍କେତ ଉପରେ ଜଳକା ଜଳସ୍ତର

ରାଜ୍ୟର ବିଭିନ୍ନ ସ୍ଥାନରେ ଦୁଇ ଦିନ ହେବ ଜାରି ରହିଛି ଲଘୁଚାପ ଜନିତ ବର୍ଷା । ଏନେଇ ବାଲେଶ୍ବର ଜିଲ୍ଲା ବସ୍ତା ବ୍ଳକ ଦେଇ ପ୍ରବାହିତ ଜଳକା ନଦୀରେ ବଢିବାରେ ଲାଗିଛି ଜଳସ୍ତର । ଅଧିକ ପଢନ୍ତୁ...

ବାଲେଶ୍ବର: ରାଜ୍ୟର ବିଭିନ୍ନ ସ୍ଥାନରେ ଦୁଇ ଦିନ ହେବ ଜାରି ରହିଛି ଲଘୁଚାପ ଜନିତ ବର୍ଷା । ଏନେଇ ବାଲେଶ୍ବର ଜିଲ୍ଲା ବସ୍ତା ବ୍ଳକ ଦେଇ ପ୍ରବାହିତ ଜଳକା ନଦୀରେ ବଢିବାରେ ଲାଗିଛି ଜଳସ୍ତର । ନଦୀର ଉପର ମୁଣ୍ଡରେ ଥିବା ରାସଗୋବିନ୍ଦପୁର, ମୋରଡା, ଶୁଳିଆପଦା, ଚିତ୍ରଡା ଅଞ୍ଚଳରେ ଲଗାଣ ବର୍ଷା ହେବା ଫଳରେ ନଦୀର ଜଳସ୍ତର ବଢିବାରେ ଲାଗିଥିବା ଦେଖାଯାଉଛି ।

ଏମିତିରେ ନଦୀର ମଥାନୀଠାରେ ବିପଦ ସଙ୍କେତ 5.50 ମିଟର ଥିବା ବେଳେ ସୋମବାର ସକାଳ 7ଟା ସୁଦ୍ଧା 6.10 ମିଟରରେ ଜଳ ପ୍ରବାହିତ ହେଉଛି । ଯଦି ଏହିଭଳି ଭାବରେ ବର୍ଷା ଲାଗି ରୁହେ ତେବେ ବସ୍ତା ବ୍ଳକର 10ଟି ପଞ୍ଚାୟତ ମଥାନୀ, ବାହରଦା, ପତ୍ରଝଡା, ରାଉତପଡା , ବ୍ରାହ୍ମଣଦା, ସଦାନନ୍ଦପୁର ଓ ସଦର ବ୍ଳକର 2ଟି ପଞ୍ଚାୟତରେ ଶ୍ରୀରାମପୁର ବନ୍ୟା ହେବାର ଆଶଙ୍କା ରହିଛି ।

ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ