ବାଲେଶ୍ବର: ବଢୁଛି ସୁବର୍ଣ୍ଣରେଖା ନଦୀ ଜଳସ୍ତର । ଦିନକୁ ଦିନ ଜଳସ୍ତର ବୃଦ୍ଧିକୁ ବନ୍ୟା ବିପତ୍ତି ସୃଷ୍ଟି ହୋଇପାରେ । ନଦୀରେ ପାଣି ଯେତିକି ବଢୁଛି ଲୋକଙ୍କ ଭିତରେ ସେତିକି ଛନକା ପଶୁଛି । ପାଣି ବଢିଲେ ବାଲେଶ୍ବର ଜିଲ୍ଲାରେ ପ୍ରାୟ ୧୦ଟି ପଞ୍ଚାୟତରେ ବନ୍ୟା ପରିସ୍ଥିତି ଉପୁଜିପାରେ ।
ଫୁଲୁଛି ସୁବର୍ଣ୍ଣରେଖା, ବନ୍ୟା ଆଶଙ୍କା
ଜିଲ୍ଲା ବାଲିଆପାଳ ବ୍ଲକର 5 ପଞ୍ଚାୟତ ଓ ଭୋଗରାଇର 5 ପଞ୍ଚାୟତରେ ନଦୀର ଉପରମୁଣ୍ଡ ଝାଡ଼ଖଣ୍ଡରେ ପ୍ରବଳ ବର୍ଷା ଯୋଗୁଁ ପାଣି ବଢୁଛି । ଗତ 31 ତାରିଖରେ ଗଲୁଡିହି ବ୍ୟାରେଜ 10ଟି ଗେଟରୁ ଦୁଇ ମିଟର ଲେଖାଏଁ ଓ ଚାଣ୍ଡେଲି ଠାରେ ଗୋଟିଏ ଗେଟରେ 3 ମିଟର ଗେଟ ଖୋଲା ଯାଇଥିଲା । ପରେ ଜଳେଶ୍ବର ସ୍ଥିତ ରାଜଘାଟଠାରେ ବିପଦ ସଂଙ୍କେତ 10.36 ଥିବା ବେଳେ ସତର୍କ ସୂଚନା 9.45 ମିଟର ରହିଛି ।