ବାଲେଶ୍ବର: ପିଲା ଚୋରି ଅଭିଯୋଗରେ ମହିଳାଙ୍କୁ ଖୁଣ୍ଟରେ ବାନ୍ଧିଲେ ଗ୍ରାମବାସୀ । ବାଲେଶ୍ବର ଜିଲ୍ଲା ବାଲିଆପାଳ ଥାନା ବାଲିକୁଟୀ ଗ୍ରାମରେ ଜଣେ ମହିଳାଙ୍କୁ ପିଲା ଚୋରି କରୁଥିବା ଅଭିଯୋଗରେ ଖୁଣ୍ଟରେ ବାନ୍ଧି ସ୍ଥାନୀୟ ଲୋକେ ମାଡ଼ ମାରିଥିବା ଦେଖିବାକୁ ମିଳିଛି।
ପିଲା ଚୋରି ଅଭିଯୋଗରେ ମହିଳାଙ୍କୁ ଖୁଣ୍ଟରେ ବାନ୍ଧିଲେ ଗ୍ରାମବାସୀ
ସୂଚନା ଅନୁସାରେ, ଗ୍ରାମର ଜିତାଂଶୁ ଶେଖର ପାତ୍ରଙ୍କ 15 ମାସର ଶିଶୁ ପୁତ୍ର ଜିଜ୍ଞାନ ଘର ସାମ୍ନାରେ ଖେଳୁଥିବା ବେଳେ ଜଣେ ଅଜଣା ମହିଳା ପିଲାଟିକୁ ଜୋର ଜବରଦସ୍ତ ଉଠାଇ ନେଇ ଦୌଡ଼ି ପଳାଇଥିଲେ। ପରିବାର ଲୋକେ ପିଲା କୁ ନପାଇ ଖୋଜାଖୋଜି କରିବା ପରେ ଘର ଠାରୁ 1 କିଲୋମିଟର ଦୂର ରେ ମହିଳା ଜଣକ ପିଲା ଟିକୁ ନେଇ ଦୌଡି ପଳାଉଥିବା ଗାଁ ଲୋକ ଦେଖି ତାକୁ ଅଟକାଇଥିଲେ । ସେଠାରୁ ପିଲାକୁ ଉଦ୍ଧାର କରି ସମ୍ପୃକ୍ତ ମହିଳାଙ୍କୁ ଖୁଣ୍ଟରେ ବାନ୍ଧି ସ୍ଥାନୀୟଲୋକ ମାଡ଼ ମାରିଥିଲେ।