ନ୍ୟାୟ ପାଇଁ ଧାରଣା ଦେଲେ ଗ୍ରାମବାସୀ

ବାଲେଶ୍ବର ବସ୍ତା ଥାନାରେ ଅଞ୍ଚଳରେ ସାମାନ୍ୟ କଳିକୁ ନେଇ ଅଭିଭାବକଙ୍କୁ ସଂଘବଦ୍ଧ ଭାବେ ଆକ୍ରମଣ ଘଟଣାରେ ପୋଲିସ ଅଭିଯୁକ୍ତଙ୍କୁ ଗିରଫ କରିବାରେ ନିଷ୍କ୍ରିୟତା ସାଜିବା ପରେ ଧାରଣାରେ ବସିଲେ ଗ୍ରାମବାସୀ । ଅଧିକ ପଢନ୍ତୁ..

ବାଲେଶ୍ଵର: ବସ୍ତା ଥାନା ଅଧିନ ବାଉଁଶମୁଖା ଗ୍ରାମବାସୀ ବସ୍ତା ଏସଡିପିଓଙ୍କ କାର୍ଯ୍ୟାଳୟ ଆଗରେ ଦେଇଛନ୍ତି ଧାରଣା । ଗତ 6 ତାରିଖରେ ପିଲାଙ୍କ ମଧ୍ୟରେ ହୋଇଥିବା ଏକ ସାମାନ୍ୟ କଳିକୁ ନେଇ ଅଭିଭାବକଙ୍କୁ ସଂଘବଦ୍ଧ ଭାବେ ଆକ୍ରମଣ କରାଯାଇଥିଲା । ଏଥିରେ ଗୁରୁତର ହୋଇଥିବା ଲୋକଙ୍କୁ କଟକର ଏକ ଘରୋଇ ମେଡିକାଲରେ ଭର୍ତ୍ତି କରାଯାଇଥିଲା।

ଅଭିଯୁକ୍ତମାନଙ୍କୁ ଗିରଫ କରିବା ପାଇଁ ଏସଡିପିଓଙ୍କ ଠାରୁ ଏସପିଙ୍କ ପର୍ଯ୍ୟନ୍ତ ସବୁଠି ଅଭିଯୋଗ କରାଯାଇଥିଲେ ମଧ୍ୟ କିଛି ସୁଫଳ ମିଳି ନଥିଲା । ଶେଷରେ ଅଭିଯୁକ୍ତମାନଙ୍କୁ ତୁରନ୍ତ ଗିରଫ ଦାବି କରି ଗ୍ରାମବାସୀ ବୁଧବାର ଧାରଣା ଦେଇଥିବା ଜଣାପଡ଼ିଛି ।

ବାଲେଶ୍ଵରରୁ ଜୀବନଜ୍ୟୋତି ନାୟକ, ଇଟିଭି ଭାରତ